بنیادی صفحہ » ایکسکلوسوز » کراچی: نادرا کے لانڈھی آفس میں چوری کی واردات

کراچی: نادرا کے لانڈھی آفس میں چوری کی واردات

کراچی: صوبہ سندھ کے دارالحکومت کراچی کے علاقے لانڈھی میں نادرا کے دفتر میں چوری کا واقعہ پیش آیا ہے، ملزم 18 سو شناحتی کارڈ اور اندراج کا رجسٹر اپنے ساتھ لے اڑا۔

تفصیلات کے مطابق نادرا کے لانڈھی دفتر میں چوری کا واقعہ پیش آیا ہے جہاں بڑی تعداد میں شناختی کارڈ چرا لیے گئے۔ ذرائع کا کہنا ہے کہ نادرا نے چوری ہونے والے شناختی کارڈز کو منسوخ کرنے کا فیصلہ کیا ہے۔

ذرائع کے مطابق شناختی کارڈز از سر نو ری پرنٹ کر کے بنوائے جائیں گے، 27 جنوری کو انتخابات سے پہلے چوری شدہ شناختی کارڈز کا دوبارہ اجرا کردیا جائے گا۔

ذرائع کا کہنا ہے کہ شناختی کارڈز کی چوری کا تعلق ممکنہ طور پر ضمنی انتخابات سے ہوسکتا ہے۔

واقعے کے بعد نادرا حکام نے انکوائری کمیٹی تشکیل دے دی جبکہ واقعے کی ایف آئی آر بھی درج کروا دی گئی۔

بعد ازاں پولیس اور رینجرز اہلکار جائے وقوع پر پہنچے اور شواہد جمع کرنے کا کام شروع کیا۔ تفتیش میں 2 ملازمین کو بھی شامل کرلیا گیا ہے۔

پولیس کا کہنا ہے کہ ملزم نے کاؤنٹر سے 1800 شناحتی کارڈ اور اندراج کا رجسٹر چوری کیا ہے، چور رات گئے چھت سے داخل ہوا اور اسی راستے سے فرار ہوا۔

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*

x

Check Also

شمالی وزیرستان: دہشت گردوں کا فوجی چیک پوسٹ پر حملہ

شمالی وزیرستان: دہشت گردوں کا فوجی چیک پوسٹ پر حملہ

پاک فوج کے شعبہ تعلقات عامہ آئی ایس پی آر کے مطابق دہشت گردوں نے پاک فوج کی غریوم چیک پوسٹ پر حملہ کیا۔