تہران میں چار ملکی اجلاس کی تجویز فیلڈ مارشل عاصم منیر نے دی، ایرانی وزارت خارجہ

تہران (صداۓ سچ نیوز) تہران میں پاکستان،سعودی عرب،ترکیہ اور ایران کا اہم چار ملکی اجلاس آج ہوگا،ایرانی وزارت خارجہ کے ترجمان اسماعیل بقائی نے تصدیق کردی۔

ایرانی وزارت خارجہ کےترجمان اسماعیل بقائی نے اجلاس کی تصدیق کرتے ہوئے کہا ہے کہ چارملکی اجلاس کی تجویز پاکستان کےآرمی چیف فیلڈمارشل سید عاصم منیر نے اپنےدورہ تہران کے دوران پیش کی تھی، جسے ایران نے قبول کیا،اجلاس میں تینوں ممالک کے اعلیٰ فوجی اور سکیورٹی حکام شریک ہیں،۔

انکاکہنا تھاکہ اجلاس مشترکہ مفادات کی بنیاد پر علاقائی سلامتی اور تعاون کے فروغ کی جانب اہم قدم ہے،قطری وفد نے بھی گزشتہ روز علاقائی مذاکرات اور ثالثی کی کوششوں کے سلسلے میں تہران کا دورہ کیا۔

دوسری جانب اسماعیل بقائی نےامریکا کوخبردارکرتے ہوئے کہا کہ امریکی بیانات سے قطع نظر ایران تمام پیشرفت پر گہری نظر رکھے ہوئے ہے،ایران اس وقت بھی حالتِ جنگ میں ہے اور ایرانی مسلح افواج ملک کے دفاع کے لیے کسی بھی ضروری اقدام سے گریز نہیں کریں گی۔