27 ستمبر کے لانگ مارچ سے حکومت خوفزدہ ہے، پی ٹی آئی رہنما ابرار احمد

لوٹن (صداۓ سچ نیوز) حکومت ستائیس ستمبر کے لانگ مارچ سے گھبرا رہی ہے پر امن احتجاج کسی بھی جماعت کا آئینئ و جمہوری حق ہے۔ نا اہلوں کے ٹولے نے ملک کا دیوالیہ نکال دیا۔ سسٹم نہیں چل رہا، خود انکے وزیر اپنی نا اہلی کا رونا رو رہے ہیں۔

ان خیالات کا اظہار سینئر رہنما پاکستان تحریک انصاف لوٹن ابرار احمد نے اپنے ایک اخباری بیان میں کیا انہوں نے کہا کہ ملک پر اس وقت نا اہلوں کا ٹولہ مسلط ہے۔ ایک صوبے کی مہارنی اپنی ذاتی تشہیر کی لیے قومی خزانے کو چونا لگا رہی ہے۔

ملک کا دیوالیے نکالنے والے ملک کے کیساتھ مخلص نہیں ہو سکتے۔ قرضوں کی بھر مار متعدد کمپنیوں کا پاکستان سے کام بند کرنا، عوام الناس کی زندگی اجیرن بنانے کے مترادف ہے۔

27 ستمبر کے لانگ مارچ کی خبر سنتے ہی حکومت کی بوکھلاہٹ عیاں ہوگئی ہے۔ پکڑ دکڑ انکی بوکھلاہٹ کا واضع ثبوت ہے. ملک پاکستان کی ترقی صرف عمران خان کیساتھ جڑی ہے وہ وقت دور نہیں جب ان چوروں کو عوام الٹا لٹکائے گی۔