اوورسیزپاکستانیوں کیلئےپاک آئی ڈی ایپ سے گاڑیاں رجسٹر اور ٹرانسفر کی سہولت متعارف

اسلام آباد (صدائے سچ نیوز) بیرون ملک مقیم پاکستانیوں کے لیےاسلام آباد ایکسائز اینڈ ٹیکسیشن ڈیپارٹمنٹ نے ایک نئی ڈیجیٹل سہولت متعارف کرائی ہے، جس کے ذریعے وہ اب گاڑیوں کی رجسٹریشن اور ٹرانسفر کے عمل کو پاک آئی ڈی موبائل ایپ کے ذریعے مکمل کر سکیں گے۔

ڈائریکٹر ایکسائز بلال اعظم نے گفتگو کرتے ہوئے بتایا  کہ اس اقدام سے بیرون ملک مقیم پاکستانیوں کو پاکستانی سفارتخانوں کے چکر لگانے یا وکالت نامے بھیجنے کی ضرورت ختم ہو جائے گی۔

ایف بی آر کو ٹیکس وصولیوں میں 274 ارب روپے شارٹ فال کا سامنا

اب گاڑی کی رجسٹریشن اور ٹرانسفر کے لیے پاک آئی ڈی ایپ ڈاؤن لوڈ کریں۔ وہاں اپنی بائیومیٹرکس ریکارڈ کرائیں، ، ہم گاڑی کے ٹرانسفر کو یقینی بنائیں گے۔

انہوں نے زور دیا کہ ایپ کے ذریعے بائیومیٹرکس جمع کرانا شناخت کے ثبوت کے طور پر کام کرے گا، جس سے علیحدہ ٹرانسفر آرڈر (TO) فارم کی ضرورت نہیں ہوگی۔ تاہم، انہوں نے بیچنے والے اور خریدنے والے دونوں سے کہا کہ مناسب دستاویزات کا خیال رکھیں۔

بلال اعظم نے کہا کہ جب بھی آپ کوئی گاڑی بیچیں، تو براہ کرم اپنے ٹرانسفر لیٹر پر دستخط کریں اور خریدار کو حوالے کریں۔ انہوں نے وضاحت کی کہ بائیومیٹرک تصدیق اور دستخط شدہ ٹرانسفر لیٹر قانونی تقاضے ہیں۔