راجہ نعیم اکبر کو سیکرٹری قانون کے عہدے پر مزید 6 ماہ کی توسیع دے دی گئی، نوٹیفکیشن جاری

اسلام آباد(صدائے سچ نیوز) وزارت قانون و انصاف کے سینئر ٹیکنیکل ایڈوائزر راجہ نعیم اکبر کی بطور سیکرٹری قانون سروس میں12 نومبر سے مزید چھ ماہ اور تا حکم ثانی توسیع دے دی گئی ہے۔

اس حوالے سے اسٹیبلشمنٹ ڈویثرن نے نوٹی فکیشن جاری کر دیا۔

راجہ نعیم اکبر پاکستان کے تجربہ کار، محنتی اور قابل ترین ماہر قانون ہیں ، ان کی خدمات عمران خان دور حکومت میں وزارت قانون و انصاف نے حاصل کی تھیں۔

دریں اثناء ورکر ویلفیئر فنڈ میں بطور سیکرٹری کام کرنے والے ان لینڈ ریونیو سروس کے گریڈ 20کے افسر ذوالفقار احمد کی خدمات تاحکم ثانی جاری رکھنے کی منظوری دے دی گئی ہے۔