پاکستان کا پہلا آفیشل ایپل اسٹور 2025 کے آخر تک لاہور میں کھلے گا

لاہور(صدائے سچ نیوز) ایئر لنک کمیونیکیشن نے اعلان کیا ہے کہ ملک کا پہلا آفیشل ایپل ریٹیل آؤٹ لیٹ 2025 کے آخر تک ڈولمن مال لاہور میں قائم کیا جائے گا۔

یہ اعلان کمپنی کے تازہ ترین کارپوریٹ بریفنگ سیشن میں کیا گیا، جس میں ٹاپ لائن سیکیورٹیز سمیت مختلف مالیاتی اداروں کے نمائندے شریک تھے۔

رپورٹ کے مطابق، ایپل اسٹور کے ساتھ ساتھ ایک شیاؤمی ریٹیل آؤٹ لیٹ بھی اسی مقام پر کام کرے گا۔

سامنے آئی ہے۔ ’’جی نیکسٹ ٹیکنالوجیز‘‘، جو کہ ایپل کی مجاز ڈسٹری بیوٹر ہے، نے ایئر لنک کو ملک میں ایپل کی مصنوعات کی منظم ریٹیل رسائی بڑھانے کے لیے منتخب کیا تھا۔

ایئر لنک کے مطابق، یہ شراکت داری صارفین کو ایپل کی مکمل رینج (آئی فون، آئی پیڈ، میک بُک، ایپل واچز‘‘ اور دیگر اسسریز باضابطہ ریٹیل چینلز کے ذریعے فراہم کرنے میں مدد دے گی، جس سے صارفین کو معیاری خریداری کا تجربہ حاصل ہوگا۔