ایس ایچ او ماڈل تھانہ سٹی چکوال کی بڑی کارروائی، 7 کلو سے زائد چرس برآمد، ملزم گرفتار

چکوال (صدائے سچ نیوز) ڈسٹرکٹ پولیس آفیسر چکوال لیفٹیننٹ (ر) احمد محی الدین کی ہدایات پر اور ایس ڈی پی او صدر سرکل ڈاکٹر سارہ علی ہاشمی کی نگرانی میں ماڈل تھانہ سٹی کے ایس ایچ او سب انسپکٹر راجہ رافع توصیف اور سب انسپکٹر علی عباس نے پولیس ٹیم کے ہمراہ منشیات فروشوں کے خلاف اہم کارروائی کرتے ہوئے بڑی مقدار میں منشیات برآمد کر لی۔

کارروائی کے دوران راحیل شہزاد ولد محمد رفیق ساکن موتی بازار، چکوال کو گرفتار کیا گیا، جس کے قبضے سے 5 کلو 150 گرام چرس برآمد ہوئی۔

دوسری کاروائی میں سونو خان ولد بادل خان سکنہ محلہ ڈھوک مومن، چکوال سے 1240 گرام چرس برآمد کی۔

تیسری کاروائی غلام اصغر ولد غلام اکبر سکنہ 3 مرلہ سکیم ، ساکن چکوال سے 1260 گرام چرس برآمد کی. پولیس نے موقع پر 3 مقدمات درج کر کے مزید تفتیش کا آغاز کر دیا ہے۔

ایس ایچ او راجہ رافع توصیف نے کہا ہے کہ منشیات فروشوں کے خلاف زیرو ٹالرنس پالیسی پر عمل جاری رہے گا اور ایسے عناصر کسی رعایت کے مستحق نہیں۔