سرکار ۖکی آمد کا ماہ مبارک بھی عاشقوں کیلئے نعمت ہے، عبیداللہ چوہدری

اسلام آباد (صداۓ سچ نیوز) مرکزی صدر نیشنل ایسوسی ایشن آف پرائیوٹ سکولز، چیئرمین کیرئیر سکول اینڈ کالج محمد عبیداللہ چوہدری نے ربیع الاول کی مبارک دیتے ہوئے کہا کہ سرکارعالمۖ کی آمد کا ماہ مبارک عشاقان کیلئے کسی نعمت سے کم نہیں، اللہ کریم رسول محتشمۖ کے صدقے عالم اسلام کو مضبوطی، خوشحالی اور عزت و استحکام سے نوازے۔

محمد عبیداللہ چوہدری بتایا کہ ہمارے تمام مسائل کا حل اسوہ حسنہۖ پر عمل پیرا ہونے میں ہے۔ والدین اور اساتذہ کرام نئی نسل کے دلوں میں حب رسول ۖکا چراغ روشن کرتے رہیں۔ ہماری مصیبت ونکبت کی بڑی وجہ اسلام اور صاحب اسلامۖ سے دوری ہے۔

اگر ہم نظام مصطفی کو اپنی انفرادی واجتماعی زندگی پر نافذ کرلیں تو نصف سے زائد مسائل خود بخود ختم ہو جائیں۔ انہوں نے اساتذہ کرام ، والدین اور اہل دانش سے اپیل کی کہ وہ نوجوانوں کے معمولات میں درود شریف ورد کو لازمی جز بنائیں، اس پاکیزہ عمل سے ہم خیر ، بھلائی، خوشحالی اور کامیابی کے دروازے کھول سکتے ہیں۔

” رسول اللہۖ نے فرمایا جب تم ایسے ہو جا کہ تمہارے غم بڑھ جائیں اور تم ان غموں کو ختم کرنا چاہوتو مجھے پر درود پڑھو ،یہ تمہارے غموں کو ختم کرنے کے ساتھ ساتھ تمہارے گناہوں کو بھی معاف کرے گا”آپ ۖ نے یہ بھی فرمای اجس نے میری ایک حدیث سنی اور دوسروں تک پہنچائی قیامت کے روز اس کے لئے میری شفاعت واجب ہو گی۔