لوٹن میں جشن عید میلاد النبی ﷺ کا عظیم الشان جلوس، مذہبی و سماجی شخصیات کی بھرپور شرکت

لوٹن (صداۓ سچ نیوز) جشن عید میلاد النبی ﷺ کے سلسلے میں ہر سال کی طرح اس سال بھی بھرپور مذہبی جوش جزبے سے لوٹن میں جلوس نکالا گیا۔ جامعہ مسجد غوثیہ سنٹرل مسجد سے جلوس مختلف بری پارک کے راستوں سےہوتا ہوا دوبارہ مسجد ہذا میں اختتام پزیر ہوا۔

اس بار جلوس میں تمام سنی علماء کونسل کے اراکین ایک پلیٹ فارم پر نظر آئے سیاسی سماجی حضرات نے شرکت کی۔

میئر آف لوٹن چوہدری جاوید نے کہا کہ حضور اکرم صَلَّى اللّٰهُ عَلَيْهِ وَسَلَّم کی ذات اقدس ہمارے لیے مشعل راہ ہے۔ انکی تعلیمات پر عمل کیے بغیر ایمان مکمل نہیں ہوتا۔

ایڈووکیٹ سید حسین شہید سرور نے کہا حضور کی ذات ایک بہترین نمونہ حیات ہے آج سب سے بڑی عید پر تمام امت مسلمہ مبارکباد کی مستحق ہے۔ سیاسی و سماجی شخصیت شبیر ملک نے اپنے بیان میں کہا تمام علماء دین نوجوان نسل کو حضور کی سیرت مبارک پڑھائیں۔

شرکاء میں حضرت علامہ عبدالعزیز چشتی، سابق میئر ریاض بٹ اورسیز کمیونٹی کے رہنما ریاض کوہمروی اور اہل علاقہ سے کثیر تعداد میں لوگوں نے شرکت کی۔ بری پارک تاجروں کی جانب سے عاشقان مصطفی کو ٹھنڈے مشروبات پیش کیے گئے اور جلوس میں موجود بچوں میں فروٹ تقسیم کیا گیا۔ جلوس کے اختتام پر مسجد ہذا کی انتظامیہ میں لنگر کا وسیع انتظام کیا گیا تھا۔