ایران اور عمان کے درمیان آبنائے ہرمز کی حد بندی پر اتفاق

تہران (صداۓ سچ نیوز) ترجمان پاسداران انقلاب کے مطابق ایران اور عمان کے درمیان مذاکرات میں آبنائے ہرمز کی حد بندی پر بھی اتفاق ہوگیا۔

بیان کے مطابق آبنائے ہرمز سے ہونے والی آمدنی میں ایران اور عمان دونوں کا حصہ ہوگا، امریکا ایران اور عمان کے درمیان مذاکراتی عمل میں رکاوٹ ڈال رہا ہے۔

ایرانی پاسدارانِ انقلاب کے ترجمان نے مزید کہا کہ امریکی مداخلت کی وجہ سے ایران عمان مذاکرات میں تاخیر ہوئی، امریکا ہماری شرائط تسلیم نہیں کرے گا تو آبنائے ہرمز نہیں کھولی جائے گی۔

دوسری جانب ایرانی صدر کا کہنا ہے کہ فوجی حملوں کی طرح اقتصادی ناکہ بندی بھی ناکام ہوگی۔ امریکا اقتصادی دباؤ سے کچھ حاصل نہیں ہوگا۔ کہا مسائل کو مذاکرات اور باہمی تعاون کے ذریعے حل کرنا اولین ترجیح ہے۔

ایرانی اسپیکر باقر قالیباف نے کہا کہ جنگ میں حاصل ہونیوالی کامیابیوں کے تحفظ کیلئے اپنی طاقت کو محفوظ رکھنا ہوگا۔