ٹرمپ انتظامیہ کا پناہ کی درخواست دینے والے غیرملکیوں کے ویزے منسوخ کرنے کا فیصلہ

واشنگٹن (صداۓ سچ نیوز) ٹرمپ انتظامیہ نے پناہ کی درخواست دینے والے دو لاکھ غیرملکیوں کے ویزے منسوخ کرنے کا منصوبہ بنالیا۔

امریکی میڈیا کی رپورٹ کے مطابق امریکا میں بی ون اور بی ٹو بزنس اور سیاحتی ویزوں پر آئے افراد کے ویزے منسوخ کرنے کی تیاری کی جارہی ہے۔ 2016 سے 2025 کے درمیان جاری کئے گئے ویزوں کی منسوخی کے زیادہ امکانات ہیں۔

رپورٹ کے مطابق ویزہ منسوخی کی کارروائی امریکی محکمہ خارجہ اور ہوم لینڈ سیکورٹی کے اشتراک سے کی جائیگی۔

امریکی نائب وزیرخارجہ کرسٹوفر لینڈاؤ کا کہنا ہے سیاحتی ویزوں کو پناہ حاصل کرنے کا چور دروازہ نہیں بننے دیں گے، مختصر ویزوں پر آکر پناہ مانگنے والوں کے خلاف سخت کارروائی کی جائے گی۔