آئی ایم ایف کہہ رہا ہے پاکستان میں کرپشن ہے: تیمور سلیم جھگڑا

اسلام آباد (صدائے سچ نیوز) پاکستان تحریکِ انصاف (پی ٹی آئی) کے رہنما تیمور سلیم جھگڑا کا کہنا ہے کہ آئی ایم ایف کہہ رہا ہے کہ پاکستان میں کرپشن ہے۔

ایک بیان میں ان کا کہنا ہے کہ آئی ایم ایف کا کہنا ہے کہ اداروں کی کارکردگی سیاسی دباؤمیں آ جاتی ہے، رپورٹ پر نومبر 2025ء کی تاریخ لکھی ہے۔

یہ بھی پڑھیں: ٹرمپ کی دھمکی کے آگے بھارت بے بس؛ روس سے تیل کی خریداری بند کردی

تیمور سلیم جھگڑا نے کہا ہے کہ رپورٹ میں ہے کہ سرمایہ کار سرمایہ کاری سے اس لیے ڈرتا ہے کہ جوڈیشل ادارے کرپٹ ہیں، رپورٹ پر نومبر 2025ء کی تاریخ لکھی ہے۔

انہوں نے کہا کہ ٹرانسفر کا ہمارے سسٹم میں مقصد سزا دینا ہے، آئی ایم ایف ایس آئی ایف سی کے بارے میں براہ راست بات نہیں کرتا، احتساب ہونا بہت ضروری ہے۔

پاکستان تحریکِ انصاف کے رہنما تیمور سلیم جھگڑا کا یہ بھی کہنا ہے کہ پوری دنیا میں کسی کو تاحیات استثنیٰ حاصل نہیں ہے، سسٹم میں تبادلے کا مطلب سزا دینا ہے۔