تازہ ترین
اربوں میل دور خلا میں موجود وائجر 1 اسپیس کرافٹ ایک نوری دن کے فاصلے تک پہنچنے کے قریب
خلائی تاریخ کے مشہور ترین مشنز میں سے ایک وائجر 1 لگ بھگ 5 دہائیوں سے خلا میں سفر کر رہا ہے۔
اسے 5 ستمبر 1997 کو مشتری اور زحل سمیت بیرونی نظام شمسی کے مطالعے کے لیے خلا میں روانہ کیا گیا تھا۔
وائجر 1 کو وائجر 2 سے 16 دن بعد 5 ستمبر 1977 کو روانہ کیا گیا تھا اور یہ اگست 2012 میں نظام شمسی کی حد سے باہر نکل گیا تھا۔
اس کے مقابلے میں وائجر 2 نظام شمسی کی حد سے 2018 میں باہر نکلا تھا۔
یہ دونوں انسانوں کے تیار کردہ فی الحال واحد اسپیس کرافٹس ہیں جو نظام شمسی کی حدود سے نکل کر سفر کر رہے ہیں۔
اب وائجر 1 زمین سے ایک نوری دن کی دوری کا سنگ میل حاصل کرنے کے قریب ہے۔
18 نومبر کو وائجر 1 زمین سے لگ بھگ 25 ارب 90 کروڑ کلومیٹر دور پہنچ کر یہ سنگ میل اپنے نام کرے گا۔
اس فاصلے کا مطلب یہ ہے کہ روشنی کی رفتار سے سفر کرنے والے ریڈیو سگنل کو بھی زمین سے خلائی جہاز تک پہنچنے میں پورے 24 گھنٹے (ایک دن) لگیں گے۔
ایک مکمل نوری برس کا فاصلہ طے کرنے میں اسے 18 ہزار سال لگ سکتے ہیں۔
وائجر اسپیس کرافٹس کے بارے میں شروع میں خیال کیا گیا تھا کہ ان کی زندگی 5 سال کی ہوگی، مگر اب وہ دونوں ہی سب سے زیادہ عرصے تک کام کرنے والے اسپیس کرافٹس بن چکے ہیں۔
ان دونوں کی بدولت سائنسدانوں کو نظام شمسی اور اس سے باہر کی قیمتی معلومات حاصل کرنے کا موقع ملا۔
وائجر 1 میں 3 کمپیوٹرز موجود ہیں جو اسپیس کرافٹ کے سائنسی آلات سے تفصیلات اکٹھا کرتے ہیں اور پھر انہیں زمین پر منتقل کرتے ہیں۔
روزانہ ہی دونوں اسپیس کرافٹس یہ تفصیلات بھیجتے ہیں اور بڑھتی عمر کے باعث درپیش مسائل کے باوجود تاحال سفر جاری رکھے ہوئے ہیں۔
وائجر 2 کو ایک نوری دن کا سنگ میل طے کرنے کے لیے 2035 تک سفر جاری رکھنا ہوگا۔
ناسا کے ماہرین کی جانب سے ہر ہفتے میں ایک بار کمانڈز ان اسپیس کرافٹس کو بھیجی جاتی ہیں۔
-
برطانیہ اور یورپ8 مہینے agoاو پی ایف چیئرمین سید قمر رضا کے اعزاز میں پرتکلف افطار ڈنر، اوورسیز کمیونٹی کو اتحاد کا پیغام
-
پاکستان8 مہینے agoحکومت نے پٹرولیم مصنوعات کی قیمتوں میں مزید اضافہ کر دیا
-
پاکستان11 مہینے agoاہلیان نورپور شاہاں بری امام کی بے دخلی عدالت عالیہ کے فیصلے کی خلاف ورزی، چیئرمین عوام دوست گروپ تنویر عباسی
-
پاکستان9 مہینے agoسونے کی قیمت میں بڑا اضافہ
-
پاکستان1 سال agoاسلام آباد پولیس کا نیشنل پریس کلب پر دھاوا، صحافیوں پر بدترین تشدد، انسانی حقوق تنظیموں کی مذمت
-
ایکسکلوسِو1 سال agoانٹیلی جنس ایجنسیوں کے5 نامزدافسران پر اعتراضات، بیرون ملک پریس قونصلر، اتاشیوں کی پوسٹنگ کامعاملہ لٹک گیا
-
پاکستان2 مہینے agoسونے کی قیمت میں بڑا اضافہ
-
پاکستان9 مہینے agoپیرکوعام تعطیل کا اعلان

