دفاعی حکام نے ڈونلڈ ٹرمپ کو ایران جنگ کے سنگین نتائج سے خبردار کیا تھا، امریکی اخبار

واشنگٹن (صداۓ سچ نیوز) امریکی اخبار وال اسٹریٹ جرنل کے مطابق امریکی دفاعی حکام نے ڈونلڈ ٹرمپ کو ایران جنگ کے سنگین نتائج سے خبردار کیا تھا مگر امریکی صدر نے تمام خدشات کو نظرانداز کرکے ایران پر حملے کا فیصلہ کیا۔

رپورٹ کے مطابق امریکی فوج اور انٹیلی جنس حکام نے کہا تھا ایران جنگ کے سنگین نتائج نکل سکتے ہیں۔ صدر ٹرمپ نے تمام خدشات کو نظر انداز کرتے ہوئے ایران پر حملے کا فیصلہ کیا۔

جے ڈی وینس نے صدرکو بتایا تھا کہ ایران مذاکرات کے ذریعے اپنا جوہری پروگرام ترک کر سکتا ہے، 6 ماہ بعد جنگ ختم ہونے کے بجائے امریکا نے پابندیوں کی حکمت عملی اختیار کرلی، فوجی اور سفارتی کوششوں کے بعد صدر ٹرمپ کو اب معاشی جنگ سے امیدیں وابستہ ہیں۔

دوسری جانب ترجمان وائٹ ہاؤس کے مطابق ایران کے لیے بہتر ہے کہ وہ معاہدہ کرے۔ ورنہ اسے سخت نتائج کا سامنا کرنا پڑے گا۔