پاکستان
مینار پاکستان کا جلسہ پنجاب کی سیاست کا رخ تبدیل کردے گا، حافظ نعیم الرحمن
منصورہ (صداے سچ نیوز) امیر جماعت اسلامی پاکستان حافظ نعیم الرحمن نے کہا ہے کہ مینار پاکستان کا جلسہ پنجاب کی سیاست کا رخ تبدیل کردے گا، جماعت اسلامی صوبہ میں بڑی سیاسی قوت بن کر ابھرے گی۔
منصورہ میں پریس کانفرنس سے خطاب کرتے ہوئے انہوں نے بتایا کہ پٹرولیم لیوی پر جمعرات انیس نومبر کو حکومت سے مذاکرات کا آخری دور ہوگا، ریلیف کا دائرہ کار نہ بڑھایا گیا تو دھرنوں کا آغاز ہوجائے گا۔ نائب امیر لیاقت بلوچ، قائم مقام سیکرٹری جنرل نذیر احمد جنجوعہ، ڈپٹی سیکرٹری اظہر اقبال حسن اور سیکرٹری اطلاعات شکیل احمد ترابی بھی اس موقع پر موجود تھے۔\
حافظ نعیم الرحمن نے کہا کہ مہنگائی سے عوام شدید پریشانی میں مبتلا ہیں، آٹا عام آدمی کی پہنچ سے دور ہوگیا ہے، گندم کسان سے پنتیس سو روپے من خریدی گئی اب بازار میں ساڑھے پانچ ہزار من کی فروخت ہورہی ہے، حکومت فلور ملز (Flour Mills) کو ناقص گندم فراہم کررہی ہے،مریم نواز کی حکومت نے پنجاب میں زراعت کو تباہ کردیا، کپاس کے قابل کاشت رقبہ میں ساٹھ فیصد کمی ہوئی ہے، ان علاقوں میں رہائشی کالونیاں تعمیر ہورہی ہیں، شوگر ملز نے گنے کی کرشنگ (Crushing) کا آغاز نہیں کیا، گنے کی کاشتکار پریشان ہیں، ایل پی جی کے حکومت کے مقرر کردہ نرخ دوسونوے روپے کلو جب کہ یہ بازار میں ساڑھے پانچ سو روپے کلو تک فروخت ہورہی ہے ،گیس کی لوڈشیڈنگ جاری ہے، بلوچستان اور خیبر پختونخواہ میں امن و امان کا بڑا مسئلہ موجود ہے، کراچی میں لوٹ مار چل رہی ہے، سندھ پر قبضہ مافیا کا راج ہے، ان تمام عوامی مسائل پر جماعت اسلامی کے علاوہ کوئی سیاسی پارٹی آواز نہیں اٹھا رہی ، عوام کے حقوق کے ایجنڈا پر 22 نومبر کو کوئٹہ ، 29 نومبر کو مینارپاکستان لاہور، 12 دسمبر کو پشاور اور 20دسمبر کو کراچی میں جلسے ہوں گے۔
حافظ نعیم الرحمن نے کہا کہ پٹرولیم لیوی پر لیاقت بلوچ کی سربراہی میں قائم جماعت اسلامی کی کمیٹی کا حکومتی ٹیم سے جمعرات 19 نومبر کو مذاکرات کا دور ہے ، عوام کو ریلیف کا دائرہ کار نہ بڑھایا گیا تو جلسوں کے بعد دھرنوں کا سلسلہ شروع ہوجائے گا۔
حکومت خطے میں جنگ کے حالات کا فائدہ اٹھا کر پٹرولیم مصنوعات میں بے تحاشا اضافہ جاری رکھے ہوئے تھی، جماعت اسلامی نے مسلسل جدوجہد سے اس سلسلہ کو رکوایا۔ آئل ریفائینریز کے بے تحاشا منافع اور لیوی کے مسائل پر دباؤ ڈال کر حکومت کو قیمتوں اور لیوی میں کمی پر مجبور کیا، حکومت سے کہا ہے کہ لیوی کا بجٹ تک بتدریج خاتمہ کیا جائے، آئی ایم ایف کے دباؤ کی خبریں چلا کر اور بہانے تراش کر حکومت کو ریلیف فراہمی سے فرار اختیار نہیں کرنے دیں گے۔ آئی پی پیز سے ظالمانہ معاہدے ختم کیے جائیں۔
امیر جماعت اسلامی نے بانی پی ٹی آئی عمران خان کے جیل سے خط کا تذکرہ کرتے ہوئے ان کی صحت کی صورتحال پر تشویش کا اظہار کیا اور حکومت سے مطالبہ کیا کہ سابق وزیراعظم اور ان کی اہلیہ کو تمام سہولیات فراہم کی جائیں۔
صحافیوں کے سوالات کے جواب میں امیر جماعت اسلامی نے کہا کہ چاروں صوبوں، گلگت بلتستان، آزاد کشمیر میں پی ڈی ایم ایک خاص انتظام کے تحت اقتدار پر قابض ہے، مریم نواز کے جانے یا ملک احمد خان کے انے سے کوئی فرق نہیں پڑے گا ، جماعت اسلامی جمہوریت کی مضبوطی ، عوام کو بااختیار بنانے اور متناسب نمائندگی کے تحت شفاف انتخابات کی بات کرتی ہے، ہماری جدوجہد مافیاز کے خلاف ہے جو نہ صرف حکومتی پارٹیوں بلکہ اپوزیشن میں بھی موجود ہیں، ہماری سیاست زندہ باد مردہ باد کے نعروں کے لیے نہیں عوام کے حقوق کے لیے ہے۔
انہوں نے مزید واضح کیا کہ جماعت اسلامی اصولی طور پر انتظامی یونٹس کی تشکیل کی مخالف نہیں ، تاہم عوام کی رائے کا احترام ضروری ہے اور اس کے لیے آئین میں ریفرنڈم یا اسمبلیوں سے دوتہائی اکثریت کی قراردادیں منظور کرنے کا طریقہ کار بھی موجود ہے، تاہم انتظامی یونٹس سے قبل اہم سوال یہ ہے کہ ملک میں بااختیار مقامی حکومتوں کا نظام کیوں موجود نہیں؟
-
برطانیہ اور یورپ8 مہینے agoاو پی ایف چیئرمین سید قمر رضا کے اعزاز میں پرتکلف افطار ڈنر، اوورسیز کمیونٹی کو اتحاد کا پیغام
-
پاکستان8 مہینے agoحکومت نے پٹرولیم مصنوعات کی قیمتوں میں مزید اضافہ کر دیا
-
پاکستان11 مہینے agoاہلیان نورپور شاہاں بری امام کی بے دخلی عدالت عالیہ کے فیصلے کی خلاف ورزی، چیئرمین عوام دوست گروپ تنویر عباسی
-
پاکستان9 مہینے agoسونے کی قیمت میں بڑا اضافہ
-
پاکستان1 سال agoاسلام آباد پولیس کا نیشنل پریس کلب پر دھاوا، صحافیوں پر بدترین تشدد، انسانی حقوق تنظیموں کی مذمت
-
ایکسکلوسِو1 سال agoانٹیلی جنس ایجنسیوں کے5 نامزدافسران پر اعتراضات، بیرون ملک پریس قونصلر، اتاشیوں کی پوسٹنگ کامعاملہ لٹک گیا
-
پاکستان2 مہینے agoسونے کی قیمت میں بڑا اضافہ
-
پاکستان9 مہینے agoپیرکوعام تعطیل کا اعلان

