وزیراعظم شہباز شریف 2روزہ سرکاری دورے پرآسٹریا روانہ

اسلام آباد (صداۓ سچ نیوز) وزیراعظم شہباز شریف 2روزہ سرکاری دورے پرآسٹریا روانہ ہوگئے ،نائب وزیراعظم اسحاق ڈار اور وفاقی وزیراطلاعات عطا تارڑ بھی پاکستانی وفد میں شریک ہیں۔

وزیراعظم ویانا میں فیڈرل چانسلری میں کرسچن اسٹاکر سے ملاقات کریں گے،وزیراعظم اور آسٹرین چانسلر سرمایہ کاری میں اضافے کیلئے کاروباری اجلاس کی صدارت کریں گے۔

وزیراعظم شہباز شریف آسٹریا بزنس فورم میں شرکت اور خطاب بھی کریں گے،وزیراعظم پائیدار ترقی، عالمی امن و خوشحالی کا راستہ کی تقریب میں شرکت اور خطاب کریں گے۔

وزیرِ اعظم انٹرنیشنل اٹامک انرجی ایجنسی کے ڈائیریکٹر جنرل سے بھی ملاقات کریں گے۔