خیبر پختونخوا، سیکیورٹی فورسز کی کارروائیوں میں 23 خوارج ہلاک

بنوں (صدائے سچ نیوز) سکیورٹی فورسز کی خیبرپختونخوا میں مزید دو مختلف کارروائیوں میں 23 خوارج ہلاک ہو گئے۔

آئی ایس پی آر کے مطابق خیبر پختونخوا میں سیکیورٹی فورسزنے انسدادِ دہشت گردی کے تحت متعدد اہم کارروائیاں انجام دیں، کارروائیاں بالخصوص باجوڑ اوربنوں کے حساس علاقوں میں کی گئیں جہاں دہشت گردی کی منصوبہ بندی کی اطلاعات تھیں۔

یہ بھی پڑھیں: مریم نواز کا بڑا فیصلہ: کالعدم انتہا پسند جماعت کے عہدیداروں کے 23 ارب 40 کروڑ کے اثاثے منجمد

ترجمان نے بتایا کہ بنوں میں فتنۂ خوارج کی جانب سے شہریوں کو نشانہ بنانے کی ایک بڑی کوشش سیکیورٹی فورسز نے بروقت کارروائی کے ذریعے ناکام بنا دی۔

ایک بھارتی اسپانسرڈ خارجی دہشتگرد دیسی ساختہ بارودی سرنگ نصب کرتے ہوئے ہلاک ہوا جس سے ایک بڑے سانحے کا خدشہ ٹل گیا۔

بنوں میں ہونے والی کارروائی کے دوران 12 خوارج مارے گئے جبکہ علاقے کو مکمل طور پر محفوظ بنانے کے لیے کلیئرنس آپریشن جاری ہے۔