گوجرخان بار سالانہ انتخابات: چوہدری راشد مبین صدر اور سید نوشیر حیدر امداد جنرل سیکرٹری منتخب

گو جر خان (صدائے سچ نیوز)بار ایسوسی ایشن کے سالانہ انتخابات میں صدارتی امیدوارچوہدری راشد مبین ایڈووکیٹ 168 ووٹ حاصل کر کے ملک حمیدسے50ووٹس کی برتری کیساتھ صدرجبکہ جنرل سیکرٹری کی نشست پر سید نوشیر حیدر امداد ایڈووکیٹ 162 ووٹ لے کر38ووٹس کی برتری سے اپنے مقابل قاضی ثاقب شہزاد سے انتخاب جیت گئے۔

ان انتخابات میں بلا مقابلہ طور پر منتخب ہونیوالوں میں نائب صدر محمد ازرم راجہ، جوائنٹ سیکرٹری ارسلان امجد مرزا،لائبریری سیکرٹری محمد عاقب،فنانس سیکرٹری راجہ سلیمان ضمیر اور 10رُکنی مجلس عاملہ خواجہ محمد خلیل الرحمان،مرزا کامران عادل، ملک آصف اکرام،اظہر ایوب کیانی،راجہ سکندر ذوالقرنین، راجہ صغیر احمد خان،فرحان آزاد راجہ، سید شبر عباس شاہ، شہریار عالم اور مراد علی خان ایڈووکیٹس شامل ہیں۔

انتخابی عمل سابق صدربار چوہدری نعمت اللہ ایڈووکیٹ کی زیر سرکردگی راجہ سہیل انور، سید منصور علی شاہ بخاری، محمد عرفان قریشی اورراجہ امانت علی ایڈووکیٹ پر مشتمل بورڈنے مکمل کرائے، نتائج کا اعلان سابق صدر بار راجہ سعید اخترایڈووکیٹ نے کیا۔

رجسٹرڈ 337ووٹس میں سے پول کردہ 289 ووٹس میں دونوں امیدواران کے 3/3ووٹس مسترد قرار پائے،نومنتخب عہدیداران کو مبارکباد دینے والے وکلاء کے علاوہ صدر گوجرخان پریس کلب منیر احمد ملہوترہ،سابق صدر پوٹھوہار پریس کلب ملک عامر وزیر کے علاوہ مذہبی،سیاسی،سماجی اور کاروباری شخصیات نے وکلا کے اتحاد،الیکشن بورڈکی شایان شان کارکردگی بالخصوص نظم وضبط کی زبردست تعریف کی اور امید ظاہر کی کہ نئی قیادت بار بنچ کے تعلقات کارمیں مزید نکھار لانے،وکلاء،سائلین کے مسائل کے حل میں موثر کردار ادا کریگی۔