ایران کم زور نہیں اپنا دفاع کرنا جانتا ہے، مسعود پزشکیان

تہران (صداۓ سچ نیوز) ایران کے صدر مسعود پزشکیان کا کہنا ہے کہ ایران کم زور نہیں  اپنا دفاع کرنا جانتا ہے، اپنے ملک کا دفاع کرنا ایرانی قوم کا جائز حق ہے اور اس نے یہ حق استعمال کیا ہے۔

تہران میں انٹرنیشنل اسلامک یونٹی کانفرنس سے خطاب کرتے ہوئے ایرانی صدر نےکہا کہ اسلامی ممالک کو خطےکی سلامتی خود سنبھالنی چاہیے اور ایک دوسرے کی سلامتی کو نقصان نہ پہنچانےکا عہد کرنا چاہیے، مشترکہ وسائل اور صلاحیتوں کو اجتماعی طاقت میں تبدیل کیا جانا چاہیے۔

ایرانی صدر نے فلسطین کے لیے ایران کی حمایت کو بھی دہرایا اور کہا کہ فلسطین کی حمایت کسی مسلکی وابستگی کی بنیاد پر نہیں بلکہ مظلوموں کے دفاع کے طور پر کی جاتی ہے، فلسطین کے دفاع اور اس پر قبضے کو مسترد کرنا اپنی ذمے داری سمجھتے ہیں ۔