تازہ ترین
ایف بی آئی کا مجرموں کی معلومات کا اہم ڈیٹا بیس ہیک ہوگیا
واشنگٹن ( صدائے سچ نیوز)امریکی نشریاتی ادارے سی این این کے مطابق ذرائع نے بتایا ہےکہ ہیکرز نے امریکا کو مطلوب ملزمان اور گرفتاری کے وارنٹس کا ڈیٹا بیس ریکارڈ ہیک کرلیا ہے۔
رپورٹ کے مطابق سائبر حملے میں کونسا ڈیٹا متاثر ہوا؟ حکام نے ابھی واضح نہیں کیا ہے تاہم ایف بی آئی نے جرائم سے متعلق ڈیٹا بیس میں ہیکنگ کی تحقیقات شروع کردی ہیں۔
سی این این کے مطابق گزشتہ چند ماہ میں ایف بی آئی کے نظام پر یہ دوسرا سائبر حملہ ہے۔ اس ڈیٹا بیس کے ذریعے وفاقی، ریاستی اور مقامی قانون نافذ کرنے والے ادارے مطلوب افراد اور گرفتاری کے وارنٹس کی معلومات حاصل کرتے ہیں۔
ایف بی آئی نے واقعے پر فوری طور پرکوئی تبصرہ نہیں کیا۔ ایک سابق ایف بی آئی اہلکار نے خدشہ ظاہرکیا ہےکہ ہیکرز ڈیٹا بیس میں موجود معلومات کو تبدیل بھی کرسکتے ہیں، جس سے پولیس کی کارروائیاں متاثر ہوسکتی ہیں۔
دوسری جانب امریکی صدر ڈونلڈ ٹرمپ نے ایک انٹرویو کے دوران ایف بی آئی پر حالیہ سائبر حملےکے حوالے سے پوچھےگئے سوال کے جواب میں کہا کہ مجھے ابھی اس واقعے کا علم ہوا ہے، یہ اچھی خبر نہیں ہے۔
ستمبر میں شائنی ہنٹرز نامی ڈیجیٹل بھتہ خور گروپ کی جانب سے ایف بی آئی کی ملازمتوں کی ویب سائٹ تک رسائی حاصل کی گئی تھی، جس سے ایف بی آئی کے موجودہ اور سابق ملازمین کا ڈیٹا متاثر ہوا تھا۔
-
برطانیہ اور یورپ8 مہینے agoاو پی ایف چیئرمین سید قمر رضا کے اعزاز میں پرتکلف افطار ڈنر، اوورسیز کمیونٹی کو اتحاد کا پیغام
-
پاکستان8 مہینے agoحکومت نے پٹرولیم مصنوعات کی قیمتوں میں مزید اضافہ کر دیا
-
پاکستان11 مہینے agoاہلیان نورپور شاہاں بری امام کی بے دخلی عدالت عالیہ کے فیصلے کی خلاف ورزی، چیئرمین عوام دوست گروپ تنویر عباسی
-
پاکستان9 مہینے agoسونے کی قیمت میں بڑا اضافہ
-
پاکستان1 سال agoاسلام آباد پولیس کا نیشنل پریس کلب پر دھاوا، صحافیوں پر بدترین تشدد، انسانی حقوق تنظیموں کی مذمت
-
ایکسکلوسِو1 سال agoانٹیلی جنس ایجنسیوں کے5 نامزدافسران پر اعتراضات، بیرون ملک پریس قونصلر، اتاشیوں کی پوسٹنگ کامعاملہ لٹک گیا
-
پاکستان9 مہینے agoپیرکوعام تعطیل کا اعلان
-
پاکستان2 مہینے agoسونے کی قیمت میں بڑا اضافہ

