نجی ٹی وی چینل کے صحافی خرم اقبال کو گھر سے اٹھا لیا گیا

 اسلام آباد (صداۓ سچ نیوز) ہم نیوزاسلام آباد بیورو کے پروڈیوسر خرم اقبال کو لاہور سے 15 سے 20 افراد اٹھا کر لے گئے۔

خرم اقبال کے بھائی نے کہا کہ خرم اقبال ایک بجے کے قریب لاہورکےعلاقے صحافی کالونی میں اپنی بہن کے گھرموجو دتھے، 15 سے 20 لوگ دیوار پھلانگ کر گھرمیں داخل ہوئے اور بھائی خرم اقبال کو اٹھا کر لے گئے۔

صحافی خرم اقبال اسلام آباد کے رہائشی ہیں ان دنوں چھٹیوں پر اپنی بہن کے گھر لاہور میں موجود تھے۔

دریں اثناء پی ایف یو جے نے صحافی خرم اقبال کو گھر سے اٹھا لینے کی شدید مذمت کی ہے ، صدر پی ایف یو جے افضل بٹ نے کہا کہ وزیر داخلہ محسن نقوی اور وزیر اطلاعات واقعے کا فوری نوٹس لے کر صحافی کر بازیاب کرائیں۔