پاکستان میں ہونیوالے مذاکرات کے بعد ایران نے ہم سے رابطہ کیا، وہ بےتابی سے ڈیل چاہتا ہے، ٹرمپ

واشنگٹن (صداۓ سچ نیوز) امریکی صدر ڈونلڈ ٹرمپ نے دعویٰ کیا ہے کہ پاکستان میں ہونے والے مذاکرات کے بعد ایران نے امریکا سے رابطہ کیا، ایران “شدید خواہش” رکھتا ہے کہ کوئی معاہدہ طے پا جائے۔

امریکی صدر ڈونلڈ ٹرمپ نے وائٹ ہاؤس میں صحافیوں سے گفتگو کرتے ہوئے کہا کہ ایران نے پیغام بھیجا تھا کہ وہ بےتابی سے ڈیل چاہتے ہیں۔

یہ بھی پڑھیں: ایران کا آبنائے ہرمز سے گزرنے والے جہازوں سے ‘ٹرانزٹ ٹول‘ کی جگہ ’سروس فیس‘ وصول کرنے کا منصوبہ

ٹرمپ نے کہا کہ بہت سی باتوں پرسمجھوتا ہوچکا تھا، امریکی وفد نے ایران کے ساتھ اچھے مذاکرات کیے، ایران نے برے طریقے سے مذاکرات کیے، یورینیم کے معاملے پراتفاق نہیں ہوسکا۔

امریکی صدر ٹرمپ کا کہنا تھا کہ ایران کسی صورت جوہری ہتھیارنہیں رکھ سکتا، ہم کسی ملک کو بلیک میل کرنے کی اجازت نہیں دے سکتے، دنیا کوآبنائے ہرمز کی ضرورت ہے۔

یہ بھی پڑھیں: امریکی فوج نے ایران کے سمندری راستوں کی ناکہ بندی شروع کردی،عرب میڈیا

انہوں نے کہا کہ آبنائے ہرمز پر ناکہ بندی شروع کردی گئی ہے، متعدد سامان اور تیل بردار بحری جہازوں نے آبنائے ہرمز عبور کیا، تیل بردار بحری جہاز امریکا تیل لینے کے لیے آرہے ہیں۔

ٹرمپ نے کہا کہ کئی ممالک نے رابطہ کرکے ایران کی ناکہ بندی میں مدد کرنے کی پیشکش کی، ایران کی ناکا بندی کے لیے کسی ملک کی مدد کی ضرورت نہیں۔

امریکی صدر نے کہا کہ ایران کے افزودہ یورینیم کو کسی نہ کسی طرح حاصل کر لیں گے۔