چین امریکا اور اسرائیل کے خلاف جنگ کے دوران ایران کی مدد کر رہا ہے، ٹرمپ

واشنگٹن (صداۓ سچ نیوز) امریکی صدر ڈونلڈ ٹرمپ نے کہا ہے کہ انہیں شبہ ہے چین امریکا اور اسرائیل کے خلاف جنگ کے دوران ایران کی مدد کر رہا ہے تاہم انہوں نے اعتراف کیا کہ وہ اس معلومات کی درستگی کے بارے میں یقین سے کچھ نہیں کہہ سکتے۔

سی این بی سی سے گفتگو میں ٹرمپ نے کہا کہ ’ہم نے کل ایک جہاز پکڑا جس میں کچھ ایسی چیزیں تھیں جو اچھی نہیں تھیں، شاید چین کا تحفہ تھیں۔ میں نہیں جانتا، لیکن مجھے حیرت ہوئی، کیونکہ میرے صدر شی کے ساتھ بہت اچھے تعلقات ہیں اور میرا خیال تھا کہ ہمارے درمیان ایک اتفاق موجود ہے لیکن جنگ میں ایسا ہوتا ہے، ہے نا؟‘

یہ بھی پڑھیں: جنگ بندی میں مزید توسیع نہیں چاہتا، ایران کا معاملہ بڑی ڈیل کیساتھ ختم ہو جائے گا، ٹرمپ

ٹرمپ نے اپنی گفتگو کے دوران اپنی فوجی قیادت کی صلاحیتوں کا بھی ذکر کیا اور دعویٰ کیا کہ اگر وہ ماضی میں اقتدار میں ہوتے تو عراق اور ویتنام کی جنگیں زیادہ کامیابی سے لڑتے۔

انہوں نے کہا کہ ’میں ویتنام کی جنگ بہت جلد جیت لیتا‘۔