امریکی فوج ناکا بندی جاری رکھتی ہے تو اسے فیصلہ کن ردِعمل کا سامنا کرنا پڑے گا، خاتم الانبیا ہیڈکوارٹر

تہران (صداۓ سچ نیوز) ایران فوج کی مشترکہ کمان خاتم الانبیا ہیڈکوارٹر نے خطے میں امریکی فوجی سرگرمیوں کے حوالے سے وارننگ جاری کردی۔

خاتم الانبیا ہیڈکوارٹر کی جانب سے جاری بیان میں کہا گیا ہے کہ اگر جارح امریکی فوج اپنی ناکا بندی اور سمندری قزاقی جاری رکھتی ہے تو اسے ایران کی مسلح افواج کی جانب سے فیصلہ کن ردِعمل کا سامنا کرنا پڑے گا۔

بیان کے مطابق ایران اپنی خودمختاری اور قومی مفادات کے دفاع کیلئے پہلے سے کہیں زیادہ تیار ہے، اور امریکا تیسری مسلط کردہ جنگ کے دوران ایران کی جارحانہ صلاحیتوں کا تجربہ کر چکا ہے۔

یہ بھی پڑھیں: لائٹ ڈیزل آئل اور جہازوں میں استعمال ہونے والا ایندھن بھی سستا کردیا گیا

بیان میں کہا گیا کہ ایران دشمن کی نقل و حرکت پر نظر رکھے گا اور آبنائے ہرمز پر اپنا کنٹرول برقرار رکھے گا،  اگر امریکی یا اسرائیلی افواج کی جانب سے دوبارہ جارحیت کی گئی تو انہیں پہلے سے زیادہ شدید نقصان پہنچائیں گے۔