ایران وینزویلا نہیں ہے، خاتم الانبیاء ہیڈکوارٹر کے سینئر عہدیدار کا امریکا کو انتباہ

تہران (صداۓ سچ نیوز) ایران کے خاتم الانبیاء مرکزی ہیڈکوارٹر کے ڈپٹی انسپکٹر جنرل محمد جعفر اسدی نے امریکا اور اسرائیل کی ممکنہ جارحیت پر ردعمل دیتے ہوئے خبردار کیا ہے کہ دشمن آبنائے ہرمز پر اپنی مرضی مسلط کرنے میں کبھی کامیاب نہیں ہوگا۔

انہوں نے کہا کہ خلیج فارس اور آبنائے ہرمز ایران اور اس کے ہمسایہ ممالک کی ملکیت ہیں، اور امریکا کو اس خطے کے معاملات میں رائے دینے یا مداخلت کا کوئی حق حاصل نہیں۔

یہ بھی پڑھیں: اسرائیلی وزیر اعظم کا فوج کو لبنان میں حزب اللہ کے ٹھکانوں پر بھرپور حملوں کا حکم

جنرل اسدی نے ایران کے تیل کے وسائل پر قبضے کی مبینہ کوششوں کا حوالہ دیتے ہوئے امریکا  کو براہِ راست پیغام دیا کہ ’ہم امریکیوں کو واضح طور پر بتا دینا چاہتے ہیں کہ یہ وینزویلا نہیں جہاں آپ آ کر وسائل لوٹ سکیں‘۔