اسرائیلی وزیر اعظم کا فوج کو لبنان میں حزب اللہ کے ٹھکانوں پر بھرپور حملوں کا حکم

 تل ابیب (صداۓ سچ نیوز) اسرائیلی وزیر اعظم بین یامین نیتن یاہو نے اپنی فوج کو لبنان میں حزب اللہ کے ٹھکانوں پر بھرپور حملوں کا حکم دے دیا۔

اسرائیلی وزیراعظم کے دفتر سے جاری بیان کے مطابق نیتن یاہو نے اسرائیلی ڈیفنس فورسز کو ہدایت کی ہے کہ وہ حزب اللہ کے اہداف کو سختی سے نشانہ بنائیں۔

ہفتے کے روز آئی ڈی ایف نے ٹیلیگرام پر متعدد بیانات جاری کرتے ہوئے الزام عائد کیا کہ حزب اللہ نے اسرائیل اور لبنان کے درمیان طے پانے والی جنگ بندی کی خلاف ورزی کی ہے۔

یہ بھی پڑھیں: ایرانی وزیرِ خارجہ عمان کے دورے کے بعد دوبارہ پاکستان آئیں گے: سرکاری میڈیا

دوسری جانب اسرائیل اور لبنان دونوں فریق ایک دوسرے پر جنگ بندی کی خلاف ورزی کے الزامات عائد کرتے رہے ہیں۔