روحیل خالد کو صدمہ،والدہ کا انتقال ، کمیونٹی کا اظہار تعزیت

نیویارک(صدائے سچ نیوز)نیویارک پولیس ڈیپارٹمنٹ میں پاکستانی امریکن پولیس ایگزیکٹوز اور آفیسرز کی نمائندہ تنظیم پاکستانی امریکن لاانفورسمنٹ سوسائٹی (PALS)کے صدر ڈیٹیکٹو روحیل خالد کی والدہ پاکستان میں سوموار،13اکتوبر کو انتقال کر گئی ہیں۔روحیل خالد اپنی والدہ ماجدہ کی وفات کی اطلاع ملتے ہی، پاکستان روانہ ہو گئے جہاں وہ ان کی آخری رسومات میں شریک ہوں گے ۔ پاکستانی امریکن لاانفورسمنٹ سوسائٹی، پاکستانی اور مسلم امریکن پولیس ایگزیکٹو اور آفیسرز کی جانب سے روحیل خالد سے ان کی والدہ کی وفات پر گہرے دکھ اور غم کا اظہار کیاگیا ہے اور دعا کی گئی ہے کہ اللہ تعالی مرحومہ کو اپنے جوار رحمت میں اعلی سے اعلی مقام نصیب فرمائیں اور ان کے درجات بلند فرمائیں ۔