روضہء اطہر معصومہء سندھ پر ایامِ فاطمیہ کے سلسلہ میں عزاداری کا اہتمام

حیدرآباد (صدائے سچ نیوز) معصومہء سندھ سیدہ خدیجہ ماہم بنتِ امام مُوسیٰ کاظم ع کے روضہء اطہر اگھم کوٹ پر ایامِ فاطمیہ کے سلسلہ میں آج بدین و تلہار کے مومنین کی جانب سے زائرین خدمت کمیٹی اگھم کوٹ کے تعاون سے طویل عزاداری کا اہتمام کیا گیا۔

اس موقعہ پر علامہ محمد مرتضیٰ مہدوی لغاری نے مجلسِ عزا سے خطاب کیا جبکہ معروف نوحہ خوان سلیم رضا سحر اور ان کے ساتھیوں نے نوحہ خوانی کی۔

عزاداری کا یہ سلسلہ صبح سے شام تک بھرپور انداز میں جاری رہا جس میں ہزاروں مرد، خواتین و معصوم عزاداران نے شرکت کی۔

اس موقعہ پر نذر، نیاز اور سبیل کے بھی بڑے پئمانے پر انتظامات کیئے گئے تھے جبکہ سیکیورٹی کے انتظامات الحسینی اسکاؤٹس روضہء اطہر معصومہء سندھ کی جانب سے سرانجام دیئے گئے۔