تازہ ترین
بیروت، حزب اللّٰہ کے راکٹ حملوں کے بعد اسرائیلی فضائی حملوں میں 10 افراد جاں بحق
بیروت (صداۓ سچ نیوز) حزب اللّٰہ کی جانب سے شمالی اسرائیل کے شہر حیفہ کے قریب ایک فوجی اڈے پر راکٹ اور ڈرون حملوں کے بعد اسرائیل نے لبنان کے دارالحکومت بیروت پر فضائی حملے کیے ہیں جن کے نتیجے میں 10 افراد جاں بحق ہو گئے۔
عرب میڈیا ’الجزیرہ‘ کے مطابق حزب اللّٰہ کے خلاف اسرائیل کی اس پیش رفت نے مشرقِ وسطیٰ میں جاری کشیدگی کو ایک نئی اور خطرناک سطح پر پہنچا دیا ہے۔
حزب اللّٰہ نے آج صبح جاری کیے گئے اپنے بیان میں کہا ہے کہ اس نے اسرائیل پر حملہ ایران کے سپریم لیڈر آیت اللّٰہ علی خامنہ ای کی ہلاکت کے رِدعمل اور ’لبنان کے دفاع‘ میں کیا ہے۔
حزب اللّٰہ کے مطابق اس نے حیفہ میں میزائل ڈیفنس سسٹم پر حملہ کیا ہے۔
حزب اللّٰہ کا کہنا ہے کہ اسرائیلی حملوں اور قیادت کی ٹارگٹ کلنگ کے جواب میں کارروائی اس کا حق ہے، اسرائیل لبنانی مقبوضہ علاقوں سے نکل جائے۔
دوسری جانب اسرائیلی فوج نے اعلان کیا ہے کہ وہ لبنان بھر میں حزب اللّٰہ کے ٹھکانوں کو شدت سے نشانہ بنا رہی ہے اور حزب اللّٰہ کو اسرائیل کے شمالی علاقوں کے لیے خطرہ بننے کی اجازت نہیں دی جائے گی۔
اسرائیل کا کہنا ہے کہ حملوں میں بیروت اور جنوبی لبنان میں حزب اللّٰہ کے سینئر ارکان کو نشانہ بنایا گیا۔
اسرائیل نے جنوبی لبنان اور وادیٔ بقاع کے 50 سے زائد دیہات کے رہائشیوں کو گھروں سے انخلاء کی وارننگ بھی جاری کی ہے جس سے بڑے پیمانے پر نقل مکانی کا خدشہ پیدا ہو گیا ہے۔
واضح رہے کہ 2024ء کی جنگ کے بعد اسرائیل اور حزب اللّٰہ کے درمیان جنگ بندی کا معاہدہ ہوا تھا تاہم لبنان کا مؤقف ہے کہ اسرائیل روزانہ کی بنیاد پر فضائی حملوں کے ذریعے جنگ بندی کی خلاف ورزیاں کرتا رہا ہے
-
پاکستان3 دن agoسونے کی قیمت میں بڑا اضافہ
-
پاکستان2 ہفتے agoپیرکوعام تعطیل کا اعلان
-
پاکستان2 مہینے agoاہلیان نورپور شاہاں بری امام کی بے دخلی عدالت عالیہ کے فیصلے کی خلاف ورزی، چیئرمین عوام دوست گروپ تنویر عباسی
-
ایکسکلوسِو5 مہینے agoانٹیلی جنس ایجنسیوں کے5 نامزدافسران پر اعتراضات، بیرون ملک پریس قونصلر، اتاشیوں کی پوسٹنگ کامعاملہ لٹک گیا
-
پاکستان5 مہینے agoاسلام آباد پولیس کا نیشنل پریس کلب پر دھاوا، صحافیوں پر بدترین تشدد، انسانی حقوق تنظیموں کی مذمت
-
ایکسکلوسِو2 مہینے agoپریس قونصلر اورپریس اتاشی کی پوسٹوں کیلئے نامزد 8 افسران کا وزیراعظم کیساتھ انٹرویو، حتمی منظوری جلد متوقع
-
ایکسکلوسِو3 مہینے agoسیکرٹری اطلاعات کی پوسٹ کیلئے پانچ افسران کا انٹرویو، طارق خان بھی شامل
-
پاکستان4 مہینے agoخدا نخواستہ 600 افراد جاں بحق ہوئے تو لاشیں کہاں ہیں؟،مریم نواز

