پاکستان
وزیر اعلیٰ خیبر پختونخوا کا ہزارہ ڈویژن کیلئے 200 ارب روپے کے خصوصی پیکج کا اعلان
پشاور (صداۓ سچ نیوز) وزیر اعلیٰ خیبر پختونخوا سہیل آفریدی نے ہزارہ ڈویژن کے لیے 200 ارب روپے کے خصوصی پیکج کا اعلان کر دیا۔
وزیر اعلیٰ خیبر پختونخوا سہیل آفریدی کی زیر صدارت خیبر پختونخوا ہاؤس میں ہزارہ ڈویژن سے تعلق رکھنے والے پارلیمنٹیرینز کا اہم اجلاس منعقد ہوا۔ جس میں آئندہ سالانہ ترقیاتی پروگرام (اے ڈی پی) کی تیاری کے سلسلے میں تفصیلی مشاورت کی گئی۔
اجلاس میں وفاقی حکومت سے نیشنل ہائی وے اتھارٹی (این ایچ اے) کے زیر انتظام ہری پور تا مانسہرہ جی ٹی روڈ کو دو رویہ کرنے کا مطالبہ کیا گیا۔ وزیر اعلیٰ نے اعلان کیا کہ سڑک کی توسیع کے لیے صوبائی حکومت مالی معاونت بھی فراہم کرے گی تاکہ عوام کو بہتر سفری سہولیات میسر آ سکیں۔
وزیر اعلیٰ خیبر پختونخوا نے ہزارہ ڈویژن کے لیے 200 ارب روپے کے خصوصی جامع ترقیاتی پیکج کی تشکیل کا اعلان کرتے ہوئے ہدایت کی کہ اس میں سے 50 ارب روپے سیاحت کے فروغ کے منصوبوں کے لیے مختص کیے جائیں۔
انہوں نے پارلیمنٹیرینز کو ہدایت کی کہ خصوصی ترقیاتی پلان میں شامل اسکیموں کی تجاویز کو حتمی شکل دینے کے لیے علیحدہ مشاورتی نشست منعقد کی جائے۔ اجلاس میں الائی کو ضلع بنانے کا نوٹیفکیشن جاری کرنے کا اعلان بھی کیا گیا۔
سہیل آفریدی نے کہا کہ آئندہ مالی سال کا ترقیاتی پروگرام ماضی سے مختلف اور نمایاں ہو گا۔ جس میں بڑے اور عوامی اہمیت کے حامل منصوبے شامل کیے جائیں گے۔ جبکہ جاری ترقیاتی منصوبوں کی بروقت تکمیل کو اولین ترجیح دی جائے گی تاکہ عوام فوری طور پر مستفید ہو سکیں۔
انہوں نے واضح کیا کہ اے ڈی پی کو حتمی شکل دینے سے قبل تمام ترقیاتی منصوبوں کے پی سی ونز تیار کیے جائیں گے۔ اور صوبے کے پسماندہ اضلاع پر خصوصی توجہ دی جائے گی۔
-
پاکستان1 ہفتہ agoپیرکوعام تعطیل کا اعلان
-
پاکستان2 مہینے agoاہلیان نورپور شاہاں بری امام کی بے دخلی عدالت عالیہ کے فیصلے کی خلاف ورزی، چیئرمین عوام دوست گروپ تنویر عباسی
-
ایکسکلوسِو4 مہینے agoانٹیلی جنس ایجنسیوں کے5 نامزدافسران پر اعتراضات، بیرون ملک پریس قونصلر، اتاشیوں کی پوسٹنگ کامعاملہ لٹک گیا
-
پاکستان5 مہینے agoاسلام آباد پولیس کا نیشنل پریس کلب پر دھاوا، صحافیوں پر بدترین تشدد، انسانی حقوق تنظیموں کی مذمت
-
ایکسکلوسِو1 مہینہ agoپریس قونصلر اورپریس اتاشی کی پوسٹوں کیلئے نامزد 8 افسران کا وزیراعظم کیساتھ انٹرویو، حتمی منظوری جلد متوقع
-
ایکسکلوسِو3 مہینے agoسیکرٹری اطلاعات کی پوسٹ کیلئے پانچ افسران کا انٹرویو، طارق خان بھی شامل
-
پاکستان4 مہینے agoمسلم لیگ (ن) کے رہنما افتخار احمد چیمہ انتقال کر گئے
-
پاکستان4 مہینے agoخدا نخواستہ 600 افراد جاں بحق ہوئے تو لاشیں کہاں ہیں؟،مریم نواز

