کاروباری اداروں میں سب سے زیادہ استعمال ہونے والے اے آئی ٹولز

بزنس انسائیڈر کی حالیہ تحقیق سے سامنے آیا ہے کہ کاروباری اداروں میں مصنوعی ذہانت کا استعمال تیزی سے بڑھ رہا ہے اور تقریباً 75 فیصد کمپنیاں اے آئی پروجیکٹس سے مثبت نتائج حاصل کر رہی ہیں۔

تحقیق کے مطابق مائیکروسافٹ کوپائلٹ سب سے زیادہ استعمال ہونے والا اے آئی ٹول ہے، جس کی کامیابی کی وجہ مائیکروسافٹ کے پہلے سے موجود سافٹ ویئر کے ساتھ آسان انضمام ہے۔ دوسرے نمبر پر چیٹ جی پی ٹی ہے، جس نے کاروباری سطح پر توقع سے زیادہ تیزی سے اپنانا حاصل کیا ہے۔

ڈنمارک ، 15 سال سے کم عمر بچوں پر سوشل میڈیا استعمال کی پابندی کا اعلان

لیکن دلچسپ بات یہ ہے کہ کلاڈ (Claude) ، جو کمپنی اینتھروپک  کا اے آئی ماڈل ہے، اداروں میں توقع کے مطابق کامیاب نہیں ہو سکا اور اس کا استعمال نسبتا کم رہا۔

ماہرین کا کہنا ہے کہ کسی بھی اے آئی ٹول کی کامیابی صرف اس کی کارکردگی پر نہیں بلکہ اس بات پر بھی منحصر ہے کہ وہ دفتر کے روزمرہ کام اور موجودہ نظام کے ساتھ کس حد تک ضم ہو سکتا ہے۔ اسی وجہ سے مائیکروسافٹ کوپائلٹ سب سے آگے ہے، جبکہ دیگر ٹولز کو مزید چیلنجز کا سامنا ہے۔

مارکیٹ میں متعدد جنریٹو اے آئی ٹولز موجود ہیں، لیکن ادارہ جاتی کامیابی کی کنجی یہ ہے کہ ٹول روزمرہ ورک فلو میں کس حد تک آسانی سے شامل ہو سکے۔