چکوال: تھانہ سٹی پولیس کی کارروائی، منشیات فروش گرفتار، 1 کلو 40 گرام آئس برآمد

چکوال (نمائندہ خصوصی) وزیر اعلیٰ پنجاب کے منشیات سے پاک معاشرہ کے ویژن اور آئی جی پنجاب ڈاکٹر عثمان انور و آر پی او راولپنڈی بابر سرفراز الپا کے احکامات پر ڈسٹرکٹ پولیس آفیسر چکوال کاشف ذوالفقار (پی ایس پی) کی زیر نگرانی تھانہ سٹی چکوال پولیس نے مؤثر کارروائی کرتے ہوئے منشیات فروش کو گرفتار کر لیا۔

ایس ڈی پی او صدر سرکل ڈاکٹر سارہ علی ہاشمی کی سربراہی میں ایس ایچ او تھانہ سٹی، سب انسپکٹر رافع توصیف اور سب انسپکٹر عدیل شہزاد نے ٹیم کے ہمراہ کارروائی کرتے ہوئے منشیات فروش سید رحمان ولد امیر نوش ساکن مردان سے 1 کلو 40 گرام آئس برآمد کر لی۔ پولیس نے ملزم کے خلاف منشیات ایکٹ کے تحت مقدمہ درج کر کے اسے حراست میں لے لیا ہے۔

ڈسٹرکٹ پولیس آفیسر کاشف ذوالفقار (پی ایس پی) نے کامیاب کارروائی کرنے والی ٹیم کو شاباش دیتے ہوئے منشیات کے خلاف بھرپور آپریشن جاری رکھنے کا عزم ظاہر کیا۔