گلاسگو میں پی ٹی آئی ویسٹ آف سکاٹ لینڈ کے زیر اہتمام پروقار عشائیہ، ڈاکٹر عباس شاہ کو ہیلتھ ایمبیسڈر اعزاز پر مبارکباد

گلاسگو (صدائے سچ نیوز) پاکستان تحریک انصاف ویسٹ آف سکاٹ لینڈ برطانیہ کے سیکرٹری اطلاعات راجہ شاہد کیانی کے زیر اہتمام پاکستان کے معروف ہیئر ٹرانسپلانٹ سرجن وسکن سپیشلسٹ ڈاکٹر عباس شاہ اور اوورسیز پاکستانی کمیونٹی کے چیئرمین سید شجر عباس کے اعزاز میں گلاسگو میں پاکستان تحریک انصاف کے سیکرٹریٹ میںپر تکلف عشائیہ میں پی ٹی آئی کی سنئیر قیادت سمیت اہم شخصیات نے شرکت کی ہے۔

اس موقع پر شرکاء نے ڈاکٹر سید عباس شاہ کی میڈیکل شعبے میں اندرون و بیرون ممالک خدمات کو سراہتے ہوئے انھیں نیشنل پریس کلب اسلام آباد اور روزنامہ صدائے سچ کیطرف ہیلتھ ایمبیسڈر کااعزازملنے پر مبارکباد دی ۔

اس تقریب میں رانا حامد افضل جنرل سیکرٹری پی ٹی آئی برطانیہ،علی حیدر صدرپی ٹی آئی ویسٹ آف سکاٹ لینڈ، ڈاکٹر صدیق، فیصل گوشی ، چچا افضل جگر ، ریاض قریشی چیف پیٹرن پی ٹی آئی ویسٹ آف سکاٹ لینڈ اور دیگر اہم شخصیات نے شرکت کی۔

اس موقع پربرطانیہ میں اوورسیز پاکستانیوں کی سرگرمیوں ، پاکستان کی صورت حال سمیت پاکستان سے متعلقہ دیگر موضوعات کے علاؤہ برطانیہ کی ترقی کاموضوع بھی زیر بحث رہا ۔

اس موقع پر چیئرمین اوورسیز پاکستانی کمیونٹی سید شجر عباس نے کہا کہ اوورسیز پاکستانی دنیا بھرمیں اپنی قابلیت کا لوہا منوا رہے ہیں لیکن مختلف مسائل کا شکار ہیں اس کے لیے انکی تنظیم اوورسیز پاکستانی کمیونٹی بھرپور اقدامات اٹھا رہی ہے ۔

اس حوالے سے باضابطہ طور پر اوورسیز پاکستانی کمیونٹی کی پورٹل بھی تیار کرلی گئی ہے ، اوورسیز پاکستانی اپنے مسائل کے حل کے لیے بھرپور استفادہ کر سکتے ہیں ۔ اس موقع راجہ شاہد کیانی نے تمام مہمانوں کا شکریہ ادا کیا ۔