آبنائے ہرمز میں کشیدگی: عرب ممالک کا 1 اور جہاز گوادر پورٹ پہنچ گیا

گوادر (صداۓ سچ نیوز) آبنائے ہرمز کے قریب ترین پاکستانی گوادر پورٹ پر ایک اور ٹرانس شپمنٹ جہاز لنگر انداز ہوا ہے۔

شپنگ ذرائع کے مطابق جہاز آج صبح 10 بج کر 15 منٹ پر گوادر پورٹ پر پہنچا۔

ذرائع کا کہنا ہے کہ جہاز پر ابوظبی اور کویت کا سامان موجود ہے جو آبنائے ہرمز کی ممکنہ بندش اور خطے میں کشیدگی کے باعث گوادر منتقل کیا گیا۔

شپنگ ذرائع کے مطابق ’یوآن‘ نامی جہاز پر 34 ہزار ٹن بَلک کارگو جبکہ 20 ہزار ٹن دیگر سامان موجود ہے۔

یہ بھی پڑھیں: عالمی ٹرانزٹ ٹریفک بڑھانے کیلئے گوادر پورٹ پر ٹیرف میں کمی کا اعلان

واضح رہے کہ خطے کی صورتِ حال کے باعث گوادر پورٹ کی اہمیت میں اضافہ ہورہا ہے اور عرب ممالک متبادل تجارتی راستوں پر توجہ دے رہے ہیں۔