اٹلی اوراسکی وزیراعظم نے ایران کے خلاف ہمارا ساتھ دینے کا سوچا بھی نہیں، صدر ٹرمپ

واشنگٹن (صداۓ سچ نیوز) امریکی صدر ڈونلڈ ٹرمپ نے ایران کے معاملے پر اٹلی سمیت نیٹو اتحادیوں پر کڑی تنقید کی ہے۔

امریکی صدرڈونلڈ ٹرمپ نے کہاہم نےنیٹو پرکھربوں ڈالرخرچ کیے،اٹلی اوراسکی وزیراعظم نے ایران کے خلاف ہمارا ساتھ دینےکا سوچا بھی نہیں،ہم کئی دہائیوں سے ان کا دفاع کرتے آرہے ہیں،آزمائش کا وقت آیا تو وہ نہ ہماری مدد کے لیے موجود تھے اور نہ ہی باقی دنیا کے۔

گزشتہ روز اٹلی کی وزیراعظم جارجیا میلونی نے امریکی صدر ڈونلڈ ٹرمپ کے الزامات کو بے بنیاد اور من گھڑت قراردیتےہوئےسخت ردعمل کا اظہارکیا تھا،کہاکہ میری مقبولیت کا انحصار ٹرمپ کےساتھ تعلقات پر نہیں بلکہ اٹلی کےقومی مفادات کےتحفظ پرہے،میری مقبولیت ٹرمپ کی تشویش کاموضوع نہیں ہے بلکہ انہیں خود اپنی مقبولیت پرتوجہ دینی چاہیے۔

یہ بھی پڑھیں: وقت آگیا ہے کہ سعودی عرب ابراہم معاہدے میں شامل ہوجائے، لنزے گراہم

خیال رہےکہ امریکی صدر اور جارجیا میلونی کے درمیان حالیہ تنازع امریکی صدر ڈونلڈ ٹرمپ کے اس بیان سےکھڑا ہواکہ اٹلی کی وزیراعظم فرانس میں منعقدہ جی سیون سربراہی اجلاس میں اپنی مقبولیت میں اضافے کےلیے مجھ سے بار بار تصویر کھنچوانے کی درخواست کرتی رہیں۔