واہ کینٹ لالہ زار قتل کیس کا ڈراپ سین، مقتولہ کی بہن کا سنسنی خیز انکشاف

ٹیکسلاواہ کینٹ (مشتاق حسین نقوی بیورو چیف صدائے سچ ) واہ کینٹ کے علاقہ لالہ زار میں قتل کی گئ خاتون کیس کا ڈراپ سین ہو گیا مقتولہ کی بہن نے بھانڈا پھوڑ دیا۔ سمیرا نامی خاتون کو اس کے خاندان والوں نے ہی اس کے شوہر کے کہنے پر قتل کیا ۔

تفصیلات کے مطابق ایک اور حوا کی بیٹی غیرت کی بھینٹ چڑھ گئی واہ کینٹ کے علاقہ لالہ زار میں قتل ہونے والی سمیرا نامی خاتون کو کسی اور نے نہیں،اس کے خاندان والوں نے ہی قتل کیا۔

مقتولہ کی بہن ثناء نے پولیس تفتیش کے دوران اصل کہانی سے پردہ اٹھا دیا۔

ثناء نے پولیس کو بتایا ہے کہ میری بہن سمیرا قطر میں فیملی کے ساتھ رہائش پذیر تھی۔ اس کے شوہر کو اس پر ناجائز تعلقات کو شبہ تھا جس نے اسے بہانے سے پاکستان بھجوایا جہاں اس کے گھر والوں نے خاندان کے دیگر افراد سے مشاورت کے بعد غیرت کی بھینٹ چڑھا دیا۔

مقتولہ کی نو ماہ کی بیٹی قطر میں اس کے خاوند کے پاس ہے مقتولہ کی بہن نے پولیس کو دیئے گئے بیان میں کہا ہے کہ میری بہن کو اس کے رشتہ دار ولید اور اسرار نے فائرنگ کر کے قتل کیا اور گھر والے اس کی لاش کو واردات کا بہانہ کرکے ہسپتال لے گئے ۔ پولیس کے مطابق ملزمان کو جلد گرفتار کر لیا جائے گا۔