پیوٹن نے یوکرین سے جنگ ختم کرنے کا اشارہ کیوں دیا؟

ماسکو (صداۓ سچ نیوز) روسی صدر ولادیمیر پیوٹن نے اشارہ دیا ہے کہ روس اور یوکرین کے درمیان جاری جنگ اپنے اختتام کے قریب پہنچ سکتی ہے۔

الجزیرہ کی رپورٹ کے مطابق روس کے فتحِ یوم کی تقریبات کے بعد میڈیا سے گفتگو کرتے ہوئے صدر پیوٹن نے کہا کہ ہم یوکرینی صدر وولودیمیر زیلینسکی سے ماسکو یا کسی غیر جانبدار ملک میں براہِ راست مذاکرات کے لیے تیار ہیں۔

جنگ کا حتمی خاتمہ مذاکرات کے بعد ہونا چاہیے نہ کہ مذاکرات خود آخری مرحلہ ہوں۔ 

اُنہوں نے مغربی ممالک سے متعلق دعویٰ کرتے ہوئے کہا کہ یہ ممالک یوکرین کو فوجی مدد فراہم کر کے جنگ کو طول دے رہے ہیں۔

واضح رہے کہ روس اور یوکرین اس وقت 3 روزہ امریکی حمایت یافتہ جنگ بندی پر عمل کر رہے ہیں جبکہ قیدیوں کے تبادلے پر بھی بات چیت جاری ہے۔

الجزیرہ کے مطابق جنگ بندی کے باوجود محاذوں پر جھڑپیں جاری ہیں اور گزشتہ 24 گھنٹوں میں تقریباً 150 لڑائیوں کی اطلاعات سامنے آئی ہیں۔

پیوٹن نے کہا ہے کہ مغربی ممالک روس کو شکست دینا چاہتے تھے لیکن ان کی کوششیں ناکام رہیں۔

اُنہوں نے ایک بار پھر نیٹو کی توسیع کو روس کے لیے بڑا خطرہ قرار دیا ہے۔