نیا تنازع ہوا تو صبر نہیں کریں گے، بھارتی آرمی چیف کی پاکستان کو گیدڑ بھبکیاں

نئی دہلی (صدائے سچ نیوز) بھارتی فوج کے سربراہ جنرل اپیندرا دویدی نے پاکستان کو گیدڑ بھبھکی دیتے ہوئے کہا ہے کہ اگر مستقبل میں کوئی نیا تنازعہ ہوا تو بھارت وہ صبر اور تحمل نہیں دکھائے گا جو “آپریشن سندور” کے دوران دکھایا گیا تھا۔

معرکۂ حق میں شکست کے بعد بھارتی سیاسی اور عسکری قیادت اپنی عوام کو مطمئن کرنے کے لیے ایک بار پھر گیدڑ بھبکیوں پر اُتر آئی ہے۔ “آپریشن سندور” میں منہ کی کھانے کے بعد بھارت نہ صرف عالمی سطح پر شرمندگی کا سامنا کر رہا ہے بلکہ شدید بوکھلاہٹ کا شکار بھی ہے۔

سرگنگا نگر میں فوجی اہلکاروں سے خطاب کرتے ہوئے جنرل دویدی کا کہنا تھا کہ پاکستان کو بھارت کے عزم کو آزمانے کی غلطی نہیں کرنی چاہیے اور فوری طور پر دہشت گردی کی سرپرستی ختم کرنی ہوگی۔

انہوں نے خبردار کیا کہ اگلی بار بھارت ضبط نہیں کرے گا، کارروائی ایسی ہوگی کہ پاکستان کو سوچنا پڑے گا کہ وہ دنیا کا حصہ بنے رہنا چاہتا ہے یا نہیں۔