مجالسِ عزا بسلسلہ شہادتِ فرزندِ رسول حضرت امامِ حسنؑ 27 اور28 صفرالمظفر امام بارگاہ دربارِ سخی شاہ پیارا بادشاہ میں منعقد ہوںگی

راولپنڈی (صدائے سچ نیوز) شہادتِ فرزندِ رسول صلی اللہ علیہ وآلہ وسلم حضرت امامِ حسنِ مجتبیٰ علیہ السلام و خاتم النبیین آقائے دوجہاں حضرت محمد مصطفیٰ صلی اللہ علیہ وآلہ وسلم کی مجالسِ عزا 27 اور28 صفر المظفر قائم کردہ باوا سید کرم حسین شاہ کاظمی امام بارگاہ دربارِ سخی شاہ پیارا بادشاہ کاظمی المشہدی چوہڑ ہڑپال راولپنڈی میں گدی نشین متولی مسجد و امام بارگاہ لائسنس دار باوا سید قاسم علی شاہ کاظمی کے زیراہتمام منعقد ہوں گی۔

تفصیلات کے مطابق 27 صفر 11 اگست بروز منگل بعد نمازِ ظہرین مجلسِ عزا منعقد ھوگی جس سے ذاکر سید عون صابر بہل، ذاکر سید شفقت شاہ چاندنہ ، ذاکر سید علی نقوی کَنگ ، ذاکر ثقلین عباس شاہ لالا موسیٖ، علامہ سید قمر حیدر زیدی، علامہ سید ثقلین عباس موسوی، شاعرِ اہلِ بیت ظفر اقبال ظفر، ذاکر ذین عباس آف چونترہ، ذاکر قوسین آصفی، ذاکر مہدی عباس بلوچ، ذاکر سید واصف مشہدی، ذاکر محمد عباس اسدی اور دیگر مقررین خطاب فرمائیں گے جبکہ 28 صفر المظفر بمطابق 12 اگست بروز بدھ، صبح 11 بجے عزاخانہ باوا سید کرم حسین شاہ چوہڑ ہڑپال سے جلوسِ شبیہ تابوتِ امام حسن علیہ السلام برآمد ہوگا، دن ٹھیک 2 بجے چوہڑ/علمدار چوک زنجیر زنی قمعہ زنی کا تاریخی و یادگار پرسہ پیش کیا جائے گا۔

ازاں بعد ملک صفدر ہاوس چوہڑ چوک پشاور روڈ پر عظیم الشان مجلسِ عزا برپا کی جائے گی،ازاں بعد جلوسِ شبیہ تابوت اپنے مقررہ راستوں سے ہوتا ہوا دربارِ عالیہ سخی شاہ پیارا بادشاہ پر رات گئے اختتام پذیر ہوگا۔

ملک بھر سےعلما کرام ذاکرین عظام، زعمائے ملت، نوحہ خواں، ماتمی حلقے زنجیر زن، قمعہ زن اور عزادار شرکت کر کے بارگاہِ حجت العصر میں تعزیت و تسلیت اور پرسہ پیش کریں گے۔