تازہ ترین
عوام سے ایندھن بچت کی اپیل, میں خود ہیٹر نہیں چلاتا، جیکٹ پہن کر سوتا ہوں، ایرانی صدر
تہران ( صدائے سچ نیوز)ایران کے صدر مسعود پزشکیان نے شہریوں سے توانائی اور ایندھن کی بچت کی اپیل کرتے ہوئے کہا کہ وہ خود بھی سادگی اختیار کرتے ہیں اور صدر ہونے کے باوجود اپنے گھر میں ہیٹر استعمال نہیں کرتے۔
غیر ملکی میڈیا رپورٹس کے مطابق مسعود پزشکیان نے تہران یونیورسٹی میں طلبہ سے ملاقات کے دوران بتایا کہ وہ سرد موسم میں گرم رہنے کے لیے رات کو جیکٹ اور دیگر گرم کپڑے پہن کر سوتے ہیں جبکہ گھر میں حرارتی آلات بھی نہیں چلاتے۔
ایرانی صدر نے کہا کہ وہ اپنی طرزِ زندگی کے ذریعے عوام کو توانائی کی بچت کا پیغام دینا چاہتے ہیں اور اگر کسی کو ان کے دعوے پر یقین نہیں تو وہ اسے اپنا گھر دکھانے کے لیے بھی تیار ہیں۔
انہوں نے شہریوں پر زور دیا کہ گھروں میں ضرورت کے مطابق بجلی اور گیس استعمال کریں اور غیر ضروری کھپت سے گریز کریں تاکہ موسم سرما میں توانائی کی قلت پر قابو پایا جاسکے۔
دوسری جانب ہفتے کے روز سرمایہ کاروں اور کاروباری شعبے سے وابستہ افراد کے اجلاس سے خطاب کرتے ہوئے مسعود پزشکیان نے کہا کہ ایران کو اس وقت ایک ایسی خاموش معاشی جنگ کا سامنا ہے جو میزائلوں سے لڑی جانے والی جنگ سے بھی زیادہ مشکل ہے۔
ان کا مزید کہنا تھا کہ ملک کی صنعتوں اور کاروباری اداروں نے مشکل معاشی حالات کے باوجود مارکیٹ کو سنبھالنے میں اہم کردار ادا کیا ہے۔
ایرانی صدر نے کہا کہ حکومت کی کوشش ہے کہ موسم سرما میں عوام کو بجلی کی لوڈشیڈنگ کا سامنا نہ کرنا پڑے اور صنعتی سرگرمیاں بھی متاثر نہ ہوں۔
-
برطانیہ اور یورپ8 مہینے agoاو پی ایف چیئرمین سید قمر رضا کے اعزاز میں پرتکلف افطار ڈنر، اوورسیز کمیونٹی کو اتحاد کا پیغام
-
پاکستان8 مہینے agoحکومت نے پٹرولیم مصنوعات کی قیمتوں میں مزید اضافہ کر دیا
-
پاکستان11 مہینے agoاہلیان نورپور شاہاں بری امام کی بے دخلی عدالت عالیہ کے فیصلے کی خلاف ورزی، چیئرمین عوام دوست گروپ تنویر عباسی
-
پاکستان9 مہینے agoسونے کی قیمت میں بڑا اضافہ
-
پاکستان1 سال agoاسلام آباد پولیس کا نیشنل پریس کلب پر دھاوا، صحافیوں پر بدترین تشدد، انسانی حقوق تنظیموں کی مذمت
-
ایکسکلوسِو1 سال agoانٹیلی جنس ایجنسیوں کے5 نامزدافسران پر اعتراضات، بیرون ملک پریس قونصلر، اتاشیوں کی پوسٹنگ کامعاملہ لٹک گیا
-
پاکستان9 مہینے agoپیرکوعام تعطیل کا اعلان
-
پاکستان2 مہینے agoسونے کی قیمت میں بڑا اضافہ

