پاکستان
کراچی ،مختلف حادثات میں ایک شخص جاں بحق اور 11 افراد زخمی
کراچی (صداۓ سچ نیوز)شہر کے مختلف علاقوں میں ٹریفک حادثات میں ایک شخص جاں بحق اور 11 افراد زخمی ہوگئے۔
تفصیلات کے مطابق ماڈی پور تھانے کے علاقے ماڑی پور گریکس کے قریب ہاکس بے کے قریب تیز رفتار ٹرالر نے رکشے سمیت متعدد گاڑیوں کو ٹکر مار دی جس کے نتیجے میں ایک شخص جاں بحق اور 7 افراد زخمی ہوگئے جنہیں ایدھی ایمبولینسوں کے ذریعے سول اسپتال منتقل کیا گیا۔
جاں بحق ہونے والے شخص کی شناخت 23 سالہ عقیل ولد گلزار کے نام سے کی گئی جبکہ حادثے میں زخمی ہونے والوں میں 35 سالہ رفیق ولد عظیم، وصی اللہ ولد خیر، 35 سالہ رحمان، 20 سالہ بلال ولد شیرین زادہ، 21 سالہ اکرام ولد عمر خطاب، 19 سالہ رضوان ولد جہانزیب اور 20 سالہ ارشد ولد گل محمد شامل ہیں۔
ایس ایچ او ماڑی پور عنصر اقبال کے قریب ماڑی پور گریکس کے قریب پیش آنے والا حادثہ ٹرالر کے بریک فیل ہونے کے باعث پیش آگیا، ٹرالر ایک رکشے کو روندتا ہوا دوسری گاڑی سے ٹکرایا، حادثے میں جاں بحق اور زخمی ہونے والے افراد رکشے میں سوار تھے۔
حادثے کے فوری بعد پولیس موقع پر پہنچی اور پولیس نے ٹرالر کے ڈرائیور کو گرفتار کرکے اس کے ٹرالر کو قبضے میں لے لیا، انھوں نے بتایا کہ حادثے سے متعلق مزید معلومات بھی اکٹھا کی جا رہی ہے۔
سائٹ اے تھانے کےعلاقے سائٹ ایریا سمنس چورنگی کے قریب رانگ وے جاتے ہوئے آٹے کی بوریوں سے لدے ٹرک نے سیون سیٹر رکشے کو ٹکر مار دی جس کے نتیجے میں رکشے میں سوار 4 افراد زخمی ہوگئے جنہیں فوری طور پر سول اسپتال منتقل کر دیا گیا۔
حادثے میں زخمی ہونے والے افراد کی فوری شناخت ممکن نہیں ہو سکی، حادثے کے بعد لوڈ مزدا ٹرک موقع سے فرار ہوگیا، پولیس نے ٹرک کے ڈرائیور کی تلاش شروع کر دی۔
-
برطانیہ اور یورپ8 مہینے agoاو پی ایف چیئرمین سید قمر رضا کے اعزاز میں پرتکلف افطار ڈنر، اوورسیز کمیونٹی کو اتحاد کا پیغام
-
پاکستان8 مہینے agoحکومت نے پٹرولیم مصنوعات کی قیمتوں میں مزید اضافہ کر دیا
-
پاکستان11 مہینے agoاہلیان نورپور شاہاں بری امام کی بے دخلی عدالت عالیہ کے فیصلے کی خلاف ورزی، چیئرمین عوام دوست گروپ تنویر عباسی
-
پاکستان9 مہینے agoسونے کی قیمت میں بڑا اضافہ
-
پاکستان1 سال agoاسلام آباد پولیس کا نیشنل پریس کلب پر دھاوا، صحافیوں پر بدترین تشدد، انسانی حقوق تنظیموں کی مذمت
-
ایکسکلوسِو1 سال agoانٹیلی جنس ایجنسیوں کے5 نامزدافسران پر اعتراضات، بیرون ملک پریس قونصلر، اتاشیوں کی پوسٹنگ کامعاملہ لٹک گیا
-
پاکستان9 مہینے agoپیرکوعام تعطیل کا اعلان
-
پاکستان2 مہینے agoسونے کی قیمت میں بڑا اضافہ

