ایران میں ملکی دفاع کیلئے ’جان فدا‘ مہم میں 3 کروڑ سے زائد شہریوں نے رجسٹریشن کروادی، ایرانی میڈیا

تہران (صداۓ سچ نیوز) امریکی و اسرائیلی حملوں کے آغاز کے بعد ایران میں شروع کی گئی ’جان فدا‘ مہم میں عوامی رجسٹریشن کی تعداد 3 کروڑ سے تجاوز کر گئی۔

ایرانی میڈیا کے مطابق یہ مہم 28 فروری سے ایران پر امریکا اور اسرائیل کے حملوں کے بعد اس وقت شروع کی گئی جب ممکنہ زمینی حملے کے خدشات بڑھ رہے تھے۔ 

مہم نے بہت کم وقت میں غیر معمولی عوامی توجہ حاصل کی اور سرکاری اعداد و شمار کے مطابق اب تک 30 ملین سے زائد افراد اس میں رجسٹر ہو چکے ہیں۔

یہ بھی پڑھیں: ایران وینزویلا نہیں ہے، خاتم الانبیاء ہیڈکوارٹر کے سینئر عہدیدار کا امریکا کو انتباہ

ایرانی میڈیا کے مطابق ایران عراق جنگ کے 8 سالہ دورانیے میں تقریباً 20 لاکھ رضاکار محاذِ جنگ میں شامل ہوئے تھے جو اس وقت کی آبادی کا تقریباً 5 سے 6 فیصد حصہ تھے۔

اس کے برعکس موجودہ مہم میں صرف چند دنوں میں 3 کروڑ سے زائد افراد کی رجسٹریشن ایران کی موجودہ تقریباً 9 کروڑ آبادی کا 30 فیصد سے بھی زیادہ بنتی ہے۔