امریکی مشورے پر آبنائے ہُرمُز سے نکلنے کی کوشش کرنیوالے دو تجارتی جہاز پانی میں چھپے پتھروں میں پھنس گئے

واشنگٹن (صداۓ سچ نیوز) امریکی مشورے پر آبنائے ہُرمُز کے جنوب سے نکلنے کی کوشش کرنے والے 2 تجارتی جہاز پانی میں چھپے پتھروں میں پھنس گئے۔ 

ایرانی خبر رساں ایجنسی فارس کے مطابق اب یہ جہاز نہ آگے جاسکتے ہیں اور نہ پیچھے ہٹ سکتے ہیں۔ 

خبررساں ایجنسی کے مطابق آبنائے ہرمز کے جنوب میں جزیرے مصندم اور جزیرے الخیل کے قریب  پانی اتھلا اور پتھروں سے بھرا ہوا ہے اور  وہ فطری جغرافیائی آبی گزرگاہ نہیں ہے۔

یہ بھی پڑھیں: حکومت نے ملک میں جاری گیس بحران پر قابو پانے کے لیے بڑا ایکشن پلان تیار کر لیا

 واضح رہے کہ امریکی قیادت میں کام کرنے والے جوائنٹ میری ٹائم انفارمیشن سینٹر نے جہازوں کو آبنائے ہُرمُز کے جنوب کے ’محفوظ‘ اومانی پانیوں کی راہ دکھائی تھی۔