فیڈرل گورنمنٹ ایمپلائیز ہاؤسنگ اتھارٹی نےسیکٹر ایف 14/ 15 کے متاثرین سے زمین کا قبضہ لے لیا

اسلام آباد (صدائے سچ نیوز) ڈائریکٹر جنرل فیڈرل گورنمنٹ ایمپلائیز ہاؤسنگ اتھارٹی کیپٹن (ر) ظفر اقبال کے احکامات پر ڈپٹی کمشنر الماس صبحی ثاقب کی زیر نگرانی سیکٹر15/ F-14 کے متاثرین سے زمین کا قبضہ لے لیا گیا۔جس کے بعد اب اہم شاہراہوں اور سروس روڈز کا قبضہ مکمل طور پر ہاوسنگ اتھارٹی کے پاس آ چکا ہے ۔

• ایسٹ F-14 مرکز روڈ، اور اس کے ساتھ ملحقہ علاقہ کو مکمل طور پر کلیئر کروایا گیا۔
•ویسٹF-14 سروس روڈ، ، اور ملحقہ علاقہ کا قبضہ بھی مکمل طور سے واگزار کروا لیا گیا۔
• ایف 14 مرکز کی تمام روڈز /ملحقہ علاقہ کو بھی مکمل طورپر واگزار کروا لیا گیا ہے۔

DC/LACفیڈرل گورنمنٹ ایمپلائیز ہاؤسنگ اتھارٹی الماس صبحی ثاقب نے کہا کہ ان اہم راستوں کی کلیئرنس سے ترقیاتی کاموں میں مزید تیزی آئے گی اور مستقبل میں انفراسٹرکچر کی تعمیر و ترقی کو بہتر انداز میں آگے بڑھانے میں مدد ملے گی۔یہ تمام اقدامات ڈی جی ہاؤسنگ اتھارٹی کیپٹن (ر) ظفر اقبال کی خصوصی ہدایات اور مسلسل نگرانی میں عمل میں لائے جا رہے ہیں۔

یاد رہے کہ گزشتہ روز ڈی جی ہاؤسنگ اتھارٹی کیپٹن (ر) ظفر اقبال کے ہدایات پر متاثرین کو ان کے جائز حقوق کی فراہمی کے سلسلے میں باقاعدہ طور پر پروویژنل آفر لیٹرز تقسیم کیے گئے۔ اس موقع پر متعلقہ افسران نے متاثرین سے ملاقات کرتے ہوئے انہیں یقین دہانی کروائی کہ ہاؤسنگ اتھارٹی ان کے مسائل کے بروقت حل، شفافیت کے فروغ اور حقوق کے تحفظ کے لیے ہر ممکن اقدامات کر رہی ہے۔

یہ بھی پڑھیں: ایف جی ای ہاؤسنگ اتھارٹی نے اہم سنگِ میل عبور کرلیا، سیکٹر ایف 14, 15 کے متاثرین میں لینڈ شیئرنگ بنیاد کے تحت پروویژنل آفر لیٹرزکی تقسیم

حکام کے مطابق ڈائریکٹر جنرل ہاؤسنگ اتھارٹی کی ذاتی دلچسپی، مؤثر حکمت عملی اور مسلسل نگرانی کے باعث سیکٹر F-14 اور F-15 میں ترقیاتی سرگرمیوں میں غیر معمولی تیزی آئی ہے، جبکہ متاثرین کے دیرینہ مسائل کے حل کے لیے بھی عملی اقدامات تیزی سے جاری ہیں۔

فیڈرل گورنمنٹ ایمپلائیز ہاؤسنگ اتھارٹی کی جانب سے جاری ترقیاتی سرگرمیوں، مؤثر انتظامی اقدامات اور متاثرین کے مسائل کے حل کے لیے جاری کاوشوں کو عوامی حلقوں میں بھی سراہا جا رہا ہے۔

متاثرین نے ہاؤسنگ اتھارٹی، بالخصوص ڈائریکٹر جنرل کیپٹن (ر) ظفر اقبال کی قیادت، سنجیدہ کوششوں اور ذاتی دلچسپی کو خراجِ تحسین پیش کرتے ہوئے امید ظاہر کی کہ منصوبے کو جلد از جلد مکمل کر کے جدید رہائشی سہولیات سے آراستہ ایک مثالی ہاؤسنگ منصوبہ بنایا جائے گا۔