امریکی صدر ڈونلڈ ٹرمپ کا پاکستان پر بطور ثالث مکمل اعتماد کا اظہار

واشنگٹن (صداۓ سچ نیوز) امریکی صدر ڈونلڈ ٹرمپ نے پاکستان پر بطور ثالث مکمل اعتماد کا اظہار کردیا۔

 چین روانگی سے قبل میڈیا سے گفتگو کرتے ہوئے صدر ٹرمپ نے کہا کہ پاکستان کی ثالثی کی کوششیں بہترین ہیں۔ فیلد مارشل اور وزیراعظم پاکستان شاندار شخصیات ہیں۔ ایران کے ساتھ ایک اچھا معاہدہ چاہتے ہیں جو امریکی اور ایرانی دونوں کیلئے اچھا ہو۔

ڈونلڈ ٹرمپ نے کہا کہ تہران کو ایٹمی ہتھیار بنانے نہیں دیں گے۔ ایران خود کو ٹھیک کرلے ورنہ ہم کام مکمل کریں گے، ایرانی فوج کو فیصلہ کن شکست دی ہے۔ یہ معاملہ اب ختم ہوگیا ہے۔ ناکہ بندی انتہائی موثر ہے، ہم کوئی گیم نہیں کھیل رہے، ایران کو جوہری ہتھیار بنانے نہیں دیں گے۔

یہ بھی پڑھیں: رواں مالی سال کے پہلے 9 ماہ میں پیٹرولیم لیوی وصولی 1200 ارب روپے سے متجاوز

انہوں نے مزید کہا کہ چینی صدر کے ساتھ ایران کی صورتحال پر بات کریں گے، ایران کے معاملے پر چینی صدر کی مدد کی ضرورت نہیں ہوگی، 2026 ختم ہونے سے پہلے صدر شی امریکا آئیں گے۔

ڈونلڈ ٹرمپ نے کہا کہ روس اور یورکرین کی جنگ جلد ختم ہونے والی ہے، میں اس دورے کیلئے پرجوش ہوں، کئی اچھی چیزیں ہونے والی ہیں۔