ایران فٹبال ورلڈ کپ سے باہر ہوگیا

تہران (صداۓ سچ نیوز) فیفا ورلڈکپ کے گروپ مرحلے میں دلچسپ مقابلوں کا سلسلہ جاری ہے،الجزائز اور آسٹریا کا سنسنی خیز میچ تین تین گول سے برابر ہو گیا۔

الجزائز اور آسٹریا گروپ جےسے راونڈ آف 32 میں پہنچ گئی ہیں اوراس نتیجے کےبعد ایران فٹبال ورلڈ کپ سےباہر ہوگیاہے،الجزائز اورآسٹریاکامیچ ابتدائی 60 منٹ تک مقابلہ دودو گول سےبرابررہا،جس کےبعد الجزائر نےدوسرےہاف کےانجری ٹائم میں تیسرا گول کر کےبرتری حاصل کی،میچ کے بالکل اختتامی لمحات میں آسٹریا نے تیسرا گول کیا اور راونڈ آف 32 میں جگہ بنالی۔

کرسٹیانو رونالڈو کی پرتگال اپنی مہم کا آخری گروپ میچ جیتنے میں ناکام رہی اورکولمبیا کے خلاف مقابلہ بغیرکسی گول کے برابر رہا،دونوں ٹیمیں پہلےہی گروپ K سے ناک آؤٹ مرحلے کے لیےکوالیفائی کرچکی تھیں، جبکہ کولمبیا نے میچ میں متعدد حملے کیے لیکن کوئی بھی گول میں تبدیل نہ کرسکی۔

دوسری جانب، باون سال بعد ورلڈکپ میں شرکت کرنے والی کانگو نے ازبکستان کو 3-1 سے شکست دے کر پہلی مرتبہ ناک آؤٹ مرحلے میں جگہ بنا لی،

گروپ L میں کروشیا نےگھانا کو 2-1 سے شکست دے کر ناک آؤٹ مرحلے کے لیےکوالیفائی کرلیا،جبکہ انگلینڈ نے پاناما کو 2-0 سے ہرا کر گروپ میں پہلی پوزیشن اپنے نام کرلی۔

ورلڈکپ میں گروپ میچز کا آج آخری دن ہے،ناک آؤٹ مرحلہ کل سے شروع ہوگا۔