پاکستان پریس کلب لوٹن برانچ کا اجلاس، افطار ڈنر کا انعقاد

لوٹن (صدائے سچ نیوز) پاکستان پریس کلب لوٹن برانچ کا اجلاس صدر احتشام الحق قریشی کی زیر صدارت منعقد ہوا جس کے بعد صدر اور جنرل سیکرٹری کی جانب سے افطار پارٹی کا اہتمام کیا گیا۔ لوٹن کے معروف ریسٹورنٹ لالہ جی میں منعقدہ اس پروقار افطار ڈنر میں سینئر صحافی، اینکر پرسن اور مرکزی پاکستان پریس کلب لندن کے سابق صدر شیراز خان سمیت پریس کلب لوٹن کے اراکین کی کثیر تعداد نے شرکت کی۔

افطار ڈنر کے بعد منعقدہ اجلاس سے خطاب کرتے ہوئے صدر پریس کلب احتشام الحق قریشی اور سیکرٹری جنرل سردار آصف شریف نے کہا کہ صحافی برادری نے ہمیشہ حق اور سچ کا ساتھ دیا ہے اور عوامی مسائل کو حکام تک پہنچانے میں اہم کردار ادا کیا ہے۔ انہوں نے کہا کہ بالخصوص برطانیہ میں مقیم پاکستانی کمیونٹی کی آواز بننا صحافیوں کی اہم ذمہ داری ہے۔

یہ بھی پڑھیں: لوٹن میں KIDS OR کے ڈونرز کے اعزاز میں ڈاکٹر طاہر لون کا افطار ڈنر

اجلاس کے دوران تنظیمی امور پر بھی تبادلہ خیال کیا گیا۔ سینئر صحافی اور جوائنٹ سیکرٹری یاسر اقبال مغل نے ایک قرارداد پیش کرتے ہوئے عالمی سطح پر امریکہ اور اسرائیل کی جانب سے اسلامی ملک ایران پر کیے جانے والے حملوں کی شدید الفاظ میں مذمت کی۔

اجلاس میں سینئر اراکین نے پریس کلب کی کارکردگی پر اطمینان کا اظہار کیا۔ اس موقع پر مرکزی پریس کلب دولتالہ کی جانب سے صحافی یاسر اقبال مغل کو سیکرٹری فارن افیئر منتخب ہونے پر مبارکباد بھی پیش کی گئی شرکاء میں نائب صدر مرکزی پاکستان پریس کلب لندن راجہ اسرار اراکین میں اسرار خان عتیق الرحمن اقدس مغل فہیم خان خالد جونوی نثارگلشن ضیاء الحق قریشی شامل تھے