انٹربینک میں ڈالر 3 پیسے سستا، 280 روپے 87 پیسے پر بند

کراچی (صدائے سچ نیوز) انٹربینک مارکیٹ میں منگل کو امریکی ڈالر کی قدر میں معمولی کمی ریکارڈ کی گئی۔

اسٹیٹ بینک کے مطابق ڈالر 3 پیسے کی کمی کے بعد 280 روپے 87 پیسے پر بند ہوا جبکہ گزشتہ روز اختتامی ریٹ 280 روپے 90 پیسے تھا۔

فاریکس ڈیلرز کے مطابق رواں ہفتے کے آغاز سے زرمبادلہ کی مارکیٹ میں استحکام کا رجحان دیکھا جا رہا ہے، جبکہ درآمدی ادائیگیوں میں کمی اور ترسیلاتِ زر میں بہتری کے باعث روپے کو قدرے سہارا ملا ہے۔

حکومت  27ویں آئینی ترمیم لا رہی ہے، اتحادی جماعتوں کو اعتماد میں لیا جائے گا، اسحاق ڈار

مارکیٹ ذرائع کے مطابق اسٹیٹ بینک کی پالیسی اقدامات، بیرونی فنانسنگ میں بہتری اورآئی ایم ایف پروگرام کی پیش رفت نے سرمایہ کاروں کا اعتماد بحال کیا ہے۔

اوپن مارکیٹ میں بھی ڈالرکی قیمت میں معمولی کمی دیکھی گئی، جہاں ڈالر 281 روپے 50 پیسے میں فروخت ہوا۔

ماہرین کے مطابق آنے والے دنوں میں اگرزرمبادلہ کے ذخائر میں بہتری برقراررہی تو روپے کی قدرمیں مزید استحکام کا امکان ہے تاہم عالمی تیل کی قیمتوں اوردرآمدی دباؤ کو بھی مدِنظررکھنا ضروری ہوگا۔