ٹیکسلا میں جشن ولادت مولا علیؑ و عرسِ شاڑی والی سرکار کی تقریبات کا آغاز

ٹیکسلا واہ کینٹ (مشتاق حسین نقوی بیورو چیف صدائے سچ ) تین روزہ جشن ولادت مولود کعبہ امیر المومنین حضرت علی علیہ السلام اور عرس مبارک جد امجد سادات ٹیکسلا پیر طریقت حضرت پیر سید حیدر صفدرسرکار المعروف شاڑی والی سرکار کی 70 سالہ تقریبات کا اغاز مرقد مبارک کو عرق گلاب کے غسل دینے کی تقریب سے کردیا گیا۔

ان تقریبات میں ہزارہ ڈویژن پشاور ڈویژن راولپنڈی اور پاکستان کے دوسرے شہروں سے ہزاروں عقیدت مند شریک ہوتے ہیں ۔

ان تین روزہ تقریبات میں ملک کے نامور قوال اور نعت خوان شرکت کرتے ہیں مختلف علاقائی درباروں اور عقیدت مندوں کے گھروں سے ڈالیاں اور گھڑولیاں لائی جاتی ہیں ۔

ان تقریبات میں نوبت بجانے کا بھی عظیم مظاہرہ کیا جاتا ہے جس میں مقامی فنکار اور خطہ پٹھوار کے نامور فنکار اپنے اپنے فن کا مظاہرہ کرتے ہیں تقریبات کے تینوں روز صبح سے لے کر رات گئے تک وسیع لنگر کا اہتمام کیا جاتا ہے جس سے ہزاروں عقیدت مندوں کے علاوہ غربا بھی استفادہ حاصل کرتے ہیں۔