ٹیکسلا: ماہانہ کمیٹی کے تنازع پر نوجوان تاجر قتل، ملزم فائرنگ کے بعد فرار

ٹیکسلا واہ کینٹ (مشتاق حسین نقوی بیورو چیف صدائے سچ ) ٹیکسلا مغل مارکیٹ فیس توقیر ولد منیر نے نوجوان تاجر منیب ولد محمد شفیق کو ماہانہ کمیٹی کے تنازعے پر 30 بور پستول سے فائر کر کے قتل کر دیا۔

مغل مارکیٹ کے تاجر منیب نے توقیر ولد منیر کے پاس ماہانہ کمیٹی ڈالی ہوئی تھی۔ گزشتہ روز منیب کی 12 لاکھ روپے کی کمیٹی نکلی جسے ادا کرنے کے لیے توقیر اور منیب کے کے درمیان تلخ کلامی ہوئی۔

تفصیلات کے مطابق توقیر نے کمیٹی کی رقم 12 لاکھ روپے دینے کا وعدہ کیا جسے لینے کے لیے آج منیب اپنے والد محمد شفیق کے ساتھ توقیر کے دفتر گیا جن کے درمیان دوبارہ تلخ کلامی ہوئی اور توقیر نے 30 بور پسٹل سے فائرنگ کر کے قتل کر دیا۔

ملزم قتل کرنے کے بعد موقع سے فرار ہو گیا مقتول کے والد محمد شفیق نے تھانہ ٹیکسلا وقوع کی درخواست دے دی۔

تھانہ ٹیکسلا پولیس نے موقع پر پہنچ کر لاش کو اپنے قبضے میں لے کر پوسٹ مارٹم کے لیے تحصیل ہیڈ کوارٹر ہسپتال ٹیکسلا پہنچا دیا اور ملزم کی گرفتاری کے لیے چھاپے مارنے شروع کر دیے